Эльбрусоид :: Форум

Аманны эки битли тону болур, бирин сеннге кийдирир, бирин кеси киер.
Кёпюр салгъан кеси ётер, уру къазгъан кеси кетер.
Ауузу аманнга «иги», деме.
Аджаллыгъа окъсуз шкок атылыр.
Чыкълы кюнде чыкъмагъан, чыкъса къуру кирмеген.
Акъдан къара болмаз.
Атлыны кёрсе, джаяуну буту талыр.
Эринчекни эр алмаз, эр алса да, кёл салмаз, кёл салса да, кёб бармаз!
Айныгъанлы алты кюн, тогъайгъанлы тогъуз кюн.
Телиге от эт десенг, юйюнге от салыр.
Чомартны къолун джокълукъ байлар.
Ач да бол, токъ да бол – намысынга бек бол.
Элге къуллукъ этмеген, элге ие болмаз.
Къазанчы аман болса, къазаны къайнамаз.
Адамны аты башхача, акъылы да башхады.
Джырчы джырчыгъа – къарнаш.
Эркишини аманы тиширыуну джылатыр.
Алгъанда – джууукъ, бергенде – джау.
Таякъ этден ётер, тил сюекден ётер.
Чомарт къонакъ юй иесин сыйлар.
Иши джокъну, сыйы джокъ.
Къобан да къуру да къобханлай турмайды, адам да къуру да патчахлай турмайды.
Таукел тауну аудурур.
Кийимни бичсенг, кенг бич, тар этген къыйын тюлдю.
Ёгюзню мюйюзлери ауурлукъ этмейдиле.
Ёзденликни джайгъан – джокълукъ.
Чабар ат – джетген къыз.
Адамгъа аман кюн соруб келмейди.
Джаралыны джастыгъында сау ёлюр.
Эки итни арасына сюек атма, эки адамны арасында сёз чыгъарма.
Суугъа – таянма, джаугъа – ийнанма.
Кёб джашагъан – кёб билир.
Къызбайны юйюне дери сюрсенг, батыр болур.
Аман адам этегингден тутса, кес да къач.
Хар зат кесини орнуна иги.
Билген билмегенни юретген адетди.
Хоншуну тауугъу къаз кёрюнюр, келини къыз кёрюнюр.
Джауумдан сора, кюн кюйдюрюр, ётюрюкден сора, айыб кюйдюрюр.
Тилде сюек болмаса да, сюек сындырыр.
Эркишиге тары кебек танг кёрюнюр.
Чарсда алчыны эл кёреди.
Акъыл сабырлыкъ берир.
Иги адам абынса да, джангылмаз.
Чомартха хар кюн да байрамды.
Окъугъанны бети джарыкъ.
Ушамагъан – джукъмаз.
Ашын ашагъанынгы, башын да сыйла.
Мен да «сен», дейме, сен да «кесим», дейсе.
Келлик заман – къартлыкъ келтирир, кетген заман – джашлыкъ ёлтюрюр.
Ат басханны джер билед.

Логин:
Пароль:
	Запомнить меня на этом компьютере

Забыли свой пароль?
Регистрация