- Ач келгенни – тойдур, кеч келгенни – къондур.
- Эшекге миннген – биринчи айыб, андан джыгъылгъан – экинчи айыб.
- Башы джабылгъан челекге, кир тюшмез.
- Иги сёз – джаннга азыкъ, аман сёз башха – къазыкъ.
- Чакъырылмагъан къонакъ тёрге атламаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Адам сёзге тынгыла, акъыл сёзню ангыла.
- Шекер бла туз – бир болмаз, ушамагъан – юй болмаз.
- Бети къызарыучу адамны, джюреги харам болмаз.
- Тойгъа алгъа да барма, тойда артха да къалма.
- Ишленмеклик адамлыкъды.
- Айтхан сёзюне табылгъан.
- Ана – юйню кюн джарыгъы.
- Къонакъ болсанг, ийнакъ бол.
- Халкъны юйю – туугъан джери.
- Алма терегинден кери кетмез.
- От этилмеген джерден тютюн чыкъмайды.
- Чомарт къонакъ юй иесин сыйлар.
- Кёрмегеннге кебек – танг, битмегеннге сакъал – танг.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джюрекге ариу – кёзге да ариу.
- Керти сёзге тёре джокъ.
- Билмегенинги, билгеннге сор.
- Ариу сёз – къылычдан джити.
- Кёкдеги болмаса, джердегин кёрмейди.
- Адамны адамлыгъы къыйынлыкъда айгъакъланады.
- Джылкъыдан – ат чыгъар, тукъумдан – джаш чыгъар.
- Джылар джаш, атасыны сакъалы бла ойнар.
- Къуру гыбыт бек дыгъырдар.
- Мадар болса, къадар болур.
- Болджал ишни бёрю ашар.
- Тенгни тенглиги джашай барсанг билинир.
- Ауурну тюбю бла, дженгилни башы бла джюрюген.
- Юйлю уругъа ит чабмаз.
- Ётюрюкден тюбю джокъ, кёлтюрюрге джиби джокъ.
- Атынг аманнга чыкъгъандан эсе, джанынг тамагъынгдан чыкъсын.
- Ачыу алгъа келсе, акъыл артха къалады.
- Аш берме да, къаш бер.
- Джол бла сёзню къыйыры джокъ.
- Башынга джетмегенни сорма.
- Къанны къан бла джуума, аманны аман бла къуума.
- Юй кюйдю да, кюйюз чыкъды, ортасындан тюйюш чыкъды.
- Накъырда – кертини келечиси.
- Айтхан – тынч, этген – къыйын.
- Джылыгъа джылан илешир.
- Иги адамны бир сёзю эки болмаз.
- Къайгъы тюбю – тенгиз.
- Джерни букъусу кёкге къонмаз.
- Эллинг бла джау болсанг да, юйюнг бла джау болма.
- Аджалсыз ёлюм болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72