- Баргъанынга кёре болур келгенинг.
- Этни бети бла шорпасы.
- Кёб джат да, бек чаб.
- Ачлыкъ отха секиртир.
- Сютден ауузу кюйген, суугъа юфгюре эди.
- Аманны къуугъан, аманлыкъ табар.
- Садакъачыны джаны – къапчыгъында.
- Алма терегинден кери кетмез.
- Эте билген, этген этеди, эте билмеген, юретген этеди!
- Джуртун къоругъан озар.
- Джарлы эскисин джамаса, къууаныр.
- Кесине гебен этелмеген, биреуге черен эте эди.
- Ушамагъан – джукъмаз.
- Тёрени джагъы джокъ.
- Чабар ат – джетген къыз.
- Ашын ашагъанынгы, башын да сыйла.
- Ичимден чыкъды хата, къайры барайым сата?
- Ашха уста, юйюнде болсун
- Ашхы болсанг, атынг чыгъар, аман болсанг, джанынг чыгъар.
- Элни кючю – эмеген.
- Тёгюлген тюгел джыйылмайды.
- Тау башында, тау болмаз, джангыз терек, бау болмаз.
- Тёрде – темир таякълы, къаяда – чыпчыкъ аякълы.
- Эркиши – от, тиширыу – суу.
- Аш берме да, къаш бер.
- Рысхысына кёре, джаш ёсер, къышлыгъына кёре, мал ёсер.
- Къошда джокъгъа – юлюш джокъ.
- Тамбла алтындан бюгюн багъыр ашхы.
- Эм ашхы къайын ана мамукъ бла башынгы тешер.
- Ана къолу ачытмаз.
- Хунаны тюбюн къазсанг, юсюнге ауар.
- Акъыл бла адеб эгизледиле.
- Минг тенг да азды, бир джау да кёбдю.
- Намыс болмагъан джерде, насыб болмаз.
- Джолда аягъынга сакъ бол, ушакъда тилинге сакъ бол.
- Чомартны къолу берекет.
- От этилмеген джерден тютюн чыкъмайды.
- Тамырсыз терекге таянма – джыгъылырса.
- Биреуню эскиси биреуге джангы болмайды.
- Ашхылыкъ джерде джатмайды, аманлыкъ суугъа батмайды.
- Келгинчи, къонакъ уялыр, келгенден сора, къонакъбай уялыр.
- Къууут – джелге, берне – бошха.
- Келинни – келгинчи, бёркню кийгинчи кёр.
- Гыдай эчки суугъа къараб, мюйюзле кёрмесе, джашма алкъын, дегенди.
- Аман адам этегингден тутса, кес да къач.
- Халкъны юйю – туугъан джери.
- Керилген да, ургъан кибикди.
- Ашда уялгъан – мухар, ишде уялгъан – хомух.
- Уллу сёзде уят джокъ.
- Байдан умут эте, джарлыдан ёгюз багъасы къорады.
Профиль
|
|
|
|||