- Къарт айтханны этмеген, къартаймаз.
- Дуния аламаты сен эсенг да, игиме деб айтма.
- Чакъырылмагъан къонакъ тёрге атламаз.
- Джумушакъ терекни къурт ашар.
- Игини сыйлагъан адетди.
- Юйюнг бла джау болгъандан эсе, элинг бла джау бол.
- Эр сокъур болсун, къатын тилсиз болсун.
- Къуру гыбыт бек дыгъырдар.
- Кеси юйюмде мен да ханма.
- Тешик этген тынчды, аны джамагъан къыйынды.
- Бир абыннган – минг сюрюнюр.
- Экеулен сёлеше тура эселе, орталарына барыб кирме.
- Аллахдан тилесенг, кёб тиле.
- Ёзденликни кёбю ётюрюк.
- Эки къатын алгъанны къулагъы тынгнгаймаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бети къызарыучу адамны, джюреги харам болмаз.
- Джетген къыз джерли эшекни танымаз.
- Мал тутхан – май джалар.
- Хар сёзню орну барды.
- Кёл ашады да, кеси ашады.
- Тойгъандан сора, ашны сёкме.
- Ауузу аманнга «иги», деме.
- Къолу уллу – асыу, аягъы уллу – джарсыу.
- Бал ашаргъа сюе эсенг, чибин ургъаннга тёз.
- Ашха уста, юйюнде болсун
- Ауузу бла къуш тута айланады.
- Экеу тутушса, биреу джыгъылыр.
- Ойнай-ойнай кёз чыгъар.
- Халкъгъа джарагъан, джарлы къалмаз.
- Тилде сюек болмаса да, сюек сындырыр.
- Бир онгсуз адам адет чыгъарды, деб эштирик тюлсе.
- Къонакъ болсанг, ийнакъ бол.
- Ким бла джюрюсенг, аны кёзю бла кёрюнюрсе.
- Бозанг болмагъан джерге, къалагъынгы сукъма.
- Баш болса, бёрк табылыр.
- Байлыкъ тауусулур, билим тауусулмаз.
- Арбаз сайлама да, хоншу сайла.
- Ашхы атаны – джашы ашхы, ашхы ананы – къызы ашхы.
- Мураты болгъанны джюрек тебюую башхады.
- Сескекли кесин билдирир.
- Тиширыусуз юй – отсуз от джагъа.
- Кёзю сокъурдан – къоркъма, кёлю сокъурдан – къоркъ.
- Танг атмайма десе да, кюн къоярыкъ тюйюлдю.
- Айыбны суу бла джууалмазса.
- Бет бетге къараса, бет да джерге къарар.
- Биреуню тёрюнден, кесинги эшик артынг игиди.
- Окъумагъан сокъурду, сокъур ташха абыныр!
- Къонакъ аз олтурур, кёб сынар.
- Чомарт бергенин айтмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72