- Ойнай билмеген, оюн бузар.
- Эллинг бла джау болсанг да, юйюнг бла джау болма.
- Оюмсуз атлагъан, аджалсыз ёлюр.
- Юре билмеген ит, къонакъ келтирир.
- Юреннген ауруу къалмаз.
- Къарнынг тойгъунчу аша да, белинг талгъынчы ишле.
- Кёл – къызбай, къол – батыр.
- Бал чибинни ургъаны – ачы, балы – татлы.
- Башынга джетмегенни сорма.
- Сёз – кюмюш, джыр – алтын.
- Танг атмайма десе да, кюн къоярыкъ тюйюлдю.
- Азыгъы аз, алгъа къабар, аты аман, алгъа чабар.
- Тилчи тилден къаныкъмаз.
- Сабий болмагъан джерде, мёлек болмаз.
- Мал ёлсе, сюек къалыр, адам ёлсе, иши къалыр.
- Акъыллы эркиши атын махтар, акъылсыз эркиши къатынын махтар.
- Сакъламагъан затынга джолукъсанг, не бек къууанаса, не бек ачыйса.
- Ашлыкъ – бюртюкден, джюн – тюкден.
- Тойгъа барсанг, тоюб бар, эски тонунгу къоюб бар.
- Тюз сёз баргъан сууну тыяр.
- Насыб бютеу халкъны юлюшюдю.
- Сёз садакъдан кючлюдю.
- Биреуге аманлыкъны тилеме да, кесинге ашхылыкъны тиле.
- Джарлы тюеге минсе да, ит къабар.
- Биреуню тёрюнден, кесинги эшик артынг игиди.
- Айтхан сёзюне табылгъан.
- Хантына кёре тузу, юйюне кёре къызы.
- Дуния аламаты сен эсенг да, игиме деб айтма.
- Арба аугъандан сора, джол кёргюзтюучю кёб болур.
- Тёзген – тёш ашар!
- Ариу – кёзге, акъыл – джюрекге.
- Тил бла келеди джыр да.
- Билмегенинги, билгеннге сор.
- Бёрю да ач къалмасын, эчки да ашалмасын.
- Сакъ юйюне сау барыр.
- Акъыл бла адеб эгизледиле.
- Къозулугъунда тоймагъан, къойлугъунда тоймаз.
- Джылкъыдан – ат чыгъар, тукъумдан – джаш чыгъар.
- Атадан ёксюз – бир ёксюз, анадан ёксюз – эки ёксюз.
- Къая джолда джортма, ачыкъ сёзден къоркъма.
- Ётюрюк хапар аякъ тюбю бла джюрюйдю.
- Ауругъаннга – кийик саулукъ, джетген къызгъа – чилле джаулукъ.
- Уллу айтханны этмеген – уллаймаз.
- Билеги кючлю, бирни джыгъар, билими кючлю, мингни джыгъар.
- Кёзден кетген, кёлден да кетеди.
- Таула не мийик болсала да, аууш табылыр.
- Аууз сакълагъан – джан сакълар.
- Бек ашыкъгъан меннге джетсин, дегенди аракъы.
- Адам боллукъ, атламындан белгили болур.
- Адам сёзге тынгыла, акъыл сёзню ангыла.
Профиль
|
|
|
|||