- Гугук кесини атын айтыб къычыргъанча, мен, мен деб нек тураса?
- Арба аугъандан сора, джол кёргюзтюучю кёб болур.
- Тамырсыз терекге таянма – джыгъылырса.
- Башланнган иш битер, къымылдагъан тиш тюшер.
- Окъугъанны бети джарыкъ.
- Ёзденликни кёбю ётюрюк.
- Чабар ат – джетген къыз.
- Ишни ахырын ойламай, аллын башлама.
- Джогъун бар этген, барын бал этген.
- Чарсда алчыны эл кёреди.
- Азыкъ аз болса, эртде орун сал.
- Аллахдан тилесенг, кёб тиле.
- Баш – акъыл ючюн, акъылман – халкъ ючюн.
- Къоркъакъны кёзю экили кёрюр.
- Биреуге кёлтюрген таягъынг, кесинги башынга урур.
- Эл бла кёргенинг эрелей.
- Ауругъанны сау билмез, ач къарынны токъ билмез.
- Эркишини аманы тиширыуну джылатыр.
- Къонакъ хазыр болгъанлыкъгъа, къонакъбай хазыр тюлдю.
- Юйлю уругъа ит чабмаз.
- Эки итни арасына сюек атма, эки адамны арасында сёз чыгъарма.
- Хар адамгъа кеси миннген тау кибик.
- Бек анасы джыламаз.
- Тойгъан антын унутур.
- Терслик кетер, тюзлюк джетер.
- Соргъан айыб тюлдю, билмеген айыбды.
- Джумушакъ сёз къаты таякъны сындырыр.
- Намысы джокъну – дуниясы джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джюз элде джюз ёгюзюм болгъандан эсе, джюз джууугъум болсун.
- Сибиртки да сыйлы болду, кюрек да кюнлю болду.
- Ёгюзню мюйюзлери ауурлукъ этмейдиле.
- Айранны сюйген, ийнек тутар.
- Халкъгъа джарагъан, джарлы къалмаз.
- Эшекни не къадар тюйсенг да, ат болмаз.
- Тюзлюк тас болмайды.
- Джахил болса анасы, не билликди баласы?
- Суу кетер, таш къалыр.
- Къобан да къуру да къобханлай турмайды, адам да къуру да патчахлай турмайды.
- Ариу сёз – джаннга азыкъ, аман сёз – башха къазыкъ.
- Ёнгкюч къууана барыр, джылай келир.
- Тюкюрюк баш джармаз, налат кёз чыгъармаз!
- Ауурну тюбю бла, дженгилни башы бла джюрюген.
- Башда акъыл болмаса, эки аякъгъа кюч джетер.
- Намыс болмагъан джерде, насыб болмаз.
- Аллахха ийнаннган кишини, Аллах онгдурур ишин.
- Къартны бурнун сюрт да, оноугъа тут.
- Элде адам къалмаса, ит тахтагъа минер.
- Байны къызы баймакъ болса да, юйде къалмаз!
- Игиге айтсанг – билир, аманнга айтсанг – кюлюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72