- Бермеген къол, алмайды.
- Чомартны къолун джокълукъ байлар.
- Ёлюр джаннга, ёкюл джокъ.
- Ишни ахырын ойламай, аллын башлама.
- Хар сёзню орну барды.
- Тенгни тенглиги джашай барсанг билинир.
- Кирсизни – саны таза, халалны – къаны таза.
- Адам сёзюнден белгили.
- «Ма», - дегенни билмесенг, «бер», - дегенни билмезсе.
- Айтхан сёзюне табылгъан.
- Ёлген эшек бёрюден къоркъмайды.
- Джуртун къоругъан озар.
- Къыз чыгъаргъан – къызыл къымжа.
- Минг тенг да азды, бир джау да кёбдю.
- Иги адам абынса да, джангылмаз.
- Иги – алгъыш этер, аман – къаргъыш этер.
- Ёлген аслан – сау чычхан.
- Аман эсирсе, юйюн ояр.
- Джаралыны джастыгъында сау ёлюр.
- Эшекни не къадар тюйсенг да, ат болмаз.
- Ёзденликни джайгъан – джокълукъ.
- Иесиз малны бёрю ашар.
- Тынгылагъан тынгы бузар.
- Бал чибинни ургъаны – ачы, балы – татлы.
- Экеулен сёлеше тура эселе, орталарына барыб кирме.
- Ойнай билмеген, уруб къачар.
- Окъугъан – асыу, окъумагъан – джарсыу.
- Тилчи тилден къаныкъмаз.
- Чомарт къолда мал къалмаз.
- Иги адамны бир сёзю эки болмаз.
- Ата Джуртча джер болмаз, туугъан элча эл болмаз.
- Къатын къылыкъсыз, эр тынчлыкъсыз.
- Алгъанда – джууукъ, бергенде – джау.
- Иги сеники эсе да, сюйген кесимикин этеме.
- Ариу сёз – къылычдан джити.
- Намысы джокъну – дуниясы джокъ.
- Аманнга алтын чыдамаз.
- Чабар ат – джетген къыз.
- Аджашханны ызындагъы кёреди, джангылгъанны джанындагъы биледи.
- Ёлюк кебинсиз къалмаз.
- Тёзген – тёш ашар!
- Къонакъ аз олтурур, кёб сынар.
- Аман адам элни бир-бирине джау этер.
- Тил – кесген бычакъ, сёз – атылгъан окъ.
- Элни кючю – эмеген.
- Ойнаб айтсанг да, эслеб айт.
- Нарт сёз къарт болмаз.
- Башда акъыл болмаса, эки аякъгъа кюч джетер.
- Тели турса – той бузар.
- Джашны джигитлиги сорулур, къызны джигерлиги сорулур.
Профиль
|
|
|||