Эльбрусоид :: Форум :: Архив форумов

Орундукъ тюбюнде атылсам да, орта джиликме, де да айлан.
Таукелге нюр джауар.
Ач къарным, тынч къулагъым.
Джигер – джаннга къыйынлыкъ.
Итли къонакъ джарашмаз.
Окъ къызбайны джокълайды.
Сууда джау джокъ, кёб сёзде магъана джокъ.
Суу да къайтады чыкъгъан джерине.
Ана – юйню кюн джарыгъы.
Кёлю джокъну – джолу джокъ.
Кёл ашады да, кеси ашады.
Тёрдеги кюлсе, эшикдеги ышарыр.
Ашаса, ашамаса да, бёрюню ауузу – къан.
Ариу сёз – джаннга азыкъ, аман сёз – башха къазыкъ.
Хунаны тюбюн къазсанг, юсюнге ауар.
Алтыннга тот къонмаз.
Эр сокъур болсун, къатын тилсиз болсун.
Джашлыкъ этмеген, башлыкъ этмез.
Джыгъылгъанны сырты джерден тоймаз.
Айтхан сёзюне табылгъан.
Аджал соруб келмез, келсе, къайтыб кетмез.
Къонакъ аман болса, къонакъбай джунчур
Сибиртки да сыйлы болду, кюрек да кюнлю болду.
Хансыз джомакъ болмаз.
Тойну къарнашы – харс, джырны къарнашы – эжиу.
Къызбайны юйюне дери сюрсенг, батыр болур.
Адамны артындан къара сабан сюрме.
Къралынгы – душмандан, башынгы от бла суудан сакъла.
Чомарт къонакъ юй иесин сыйлар.
Джарлы джети элни сёзюн этер.
Къыз келсе, джумуш эте келеди, къатын келсе, ушакъ эте келеди.
Сангырау къулакъ эл бузар.
Дуния малгъа сатылма, кесингден телиге къатылма.
Байлыкъдан саулукъ ашхыды.
Уруну арты – къуру.
Минг тенг да азды, бир джау да кёбдю.
Ишлемеген – тишлемез.
Ачылгъан эт джабылыр, кёрген кёз унутмаз.
Башсыз урчукъ тюзюне айланмаз.
Душманны тышы – акъ, ичи – къара.
Дженгил джетерикме деб, узун джолну къоюб, къысхасын барма.
Иги – алгъыш этер, аман – къаргъыш этер.
Арбаз къынгырды да, ийнек сауалмайма.
Билген билмегенни юретген адетди.
Къонакъ аз олтурур, кёб сынар.
Тюзлюк тас болмайды.
Аз айтсам, кёб ангылагъыз.
Къан бла кирген, джан бла чыгъар.
Джюз элде джюз ёгюзюм болгъандан эсе, джюз джууугъум болсун.
Кюн – узун, ёмюр – къысха.

Логин:
Пароль:
	Запомнить меня на этом компьютере

Забыли свой пароль?
Регистрация