- Намысы джокъну – дуниясы джокъ.
- Къызны минг тилер, бир алыр.
- Бозаны арты дауур болур.
- Акъыл бла адеб эгизледиле.
- Байлыкъ адамны сокъур этер.
- Таш бла ургъанны, аш бла ур.
- Акъыллы айтыр эди, акъылсыз къоймайды.
- Адеб базарда сатылмаз.
- Ашына кёре табагъы, балына кёре къалагъы.
- Дуния мал дунияда къалады.
- Айран тёгюлсе, джугъусу къалыр.
- Джюрек кёзден алгъа кёрюр.
- Гыдай эчки суугъа къараб, мюйюзле кёрмесе, джашма алкъын, дегенди.
- Аз сёлеш, кёб ишле.
- Накъырда – кертини келечиси.
- Мал ёлсе, сюек къалыр, адам ёлсе, иши къалыр.
- Тамырсыз терекге таянма – джыгъылырса.
- Къууут – джелге, берне – бошха.
- Къаллай салам берсенг, аллай джууаб алырса.
- Ургъан суудан башынгы сакъла.
- Ач къарным, тынч къулагъым.
- Къулакъдан эсе, кёзге ышан.
- Байны оноуу, джарлыгъа джарамаз.
- Азыгъы аз, алгъа къабар, аты аман, алгъа чабар.
- Кёлю джокъну – джолу джокъ.
- Ариу сёз джыланны орнундан чыгъарыр.
- Джашны джигитлиги сорулур, къызны джигерлиги сорулур.
- Ачылгъан эт джабылыр, кёрген кёз унутмаз.
- Келинни – келгинчи, бёркню кийгинчи кёр.
- Накъырданы арты керти болур.
- Арпа, будай – ащды, алтын, кюмюш а – ташды.
- Суугъа – таянма, джаугъа – ийнанма.
- Тюкюрюк баш джармаз, налат кёз чыгъармаз!
- Ёлюр джаннга, ёкюл джокъ.
- Огъурлуну сёзю – суу, огъурсузну сёзю – уу.
- Сибиртки да сыйлы болду, кюрек да кюнлю болду.
- Джогъун бар этген, барын бал этген.
- Сёз сёзню айтдырыр.
- Чомарт къолда мал къалмаз.
- Аш берме да, къаш бер.
- Атлыны ашхысы, ат тизгининден билинир
- Кёб джашагъан – кёб билир.
- Этек чакъмакълары баш джаргъан, сёлешген сёзлери таш джаргъан.
- Ишленмеген джаш – джюгенсиз ат, ишленмеген къыз – тузсуз хант.
- Джашлыкъ этмеген, башлыкъ этмез.
- Баргъанынга кёре болур келгенинг.
- Джашынгы кесинг юретмесенг, джашау юретир.
- Насыб бютеу халкъны юлюшюдю.
- Чакъырылмагъан къонакъ – орунсуз.
- Хантына кёре тузу, юйюне кёре къызы.
Профиль
|
|
|||