- Къартны сыйын кёрмеген, къартлыгъында сыйлы болмаз.
- Аджашханны ызындагъы кёреди, джангылгъанны джанындагъы биледи.
- Кесинг сынамагъан затны, адамгъа буюрма.
- Юй кюйдю да, кюйюз чыкъды, ортасындан тюйюш чыкъды.
- Мал тутхан – май джалар.
- Ауругъан – джашаудан умутчу.
- Акъдан къара болмаз.
- Чакъырылгъанны аты, чакъырылмагъанны багъасы болур.
- Онгсузну – джакъла, тенгликни – сакъла.
- Ётюрюкчюню шагъаты – къатында.
- Джылыгъа джылан илешир.
- Тилчи бир сагъатха айлыкъ хата этер.
- Эшекге миннген – биринчи айыб, андан джыгъылгъан – экинчи айыб.
- Эки итни арасына сюек атма, эки адамны арасында сёз чыгъарма.
- Тёрдеги кюлсе, эшикдеги ышарыр.
- Халкъгъа джарагъан, джарлы къалмаз.
- Кёлсюзден сёзсюз тууар.
- Алтыда кюлмеген, алтмышда кюлмез.
- Элге къуллукъ этмеген, элге ие болмаз.
- Тынгылагъан тынгы бузар.
- Джырына кёре эжиую.
- Уясында не кёрсе, учханында аны этер.
- Аджал соруб келмез, келсе, къайтыб кетмез.
- Тамырсыз терекге таянма – джыгъылырса.
- Джашны джигитлиги сорулур, къызны джигерлиги сорулур.
- Чабакъсыз кёлге къармакъ салгъанлыкъгъа, чабакъ тутмазса.
- Къыз тиширыу кеси юйюнде да къонакъды.
- Джарлы тюеге минсе да, ит къабар.
- Адам къаллай бир ишленмесе, аллай бир кесин уллу кёреди.
- Эли джокъну – кёлю джокъ.
- Эте билген, этген этеди, эте билмеген, юретген этеди!
- Кенгеш болса, уруш болмаз.
- Aдам боллукъ, сыфатындан белгили.
- Ёлген аслан – сау чычхан.
- Тай асырагъан, атха минер.
- Татлы тилде – сёз ариу, чемер къолда – иш ариу.
- Бир абыннган – минг сюрюнюр.
- Тулпарлыкъ, билекден тюл – джюрекден.
- Адеб этмеген, адеб кёрмез.
- Ариу сёз джыланны орнундан чыгъарыр.
- Эл тойса, тоймагъан, эл къойса, къоймагъан.
- Телиге от эт десенг, юйюнге от салыр.
- Аджалсыз ёлюм болмаз.
- Айран ичген – къутулду, джугъусун джалагъан – тутулду.
- Элни кючю – эмеген.
- Ач – эснер, ат – кишнер.
- Ариу сёз аурууунгу алыр.
- Тамчы таш тешер.
- Ана кёлю – балада, бала кёлю – талада.
- Сакъалы текени да бар, мыйыгъы киштикни да бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72