Эльбрусоид :: Форум

Къарыусузгъа кюлме, онгсузгъа тийме.
Джиби бир къат джетмей эди да, эки къат тарта эди.
Чомартны къолун джокълукъ байлар.
Аман адам элни бир-бирине джау этер.
Юйюнг бла джау болгъандан эсе, элинг бла джау бол.
Ана къолу ачытмаз.
Ашарыкъда сайлагъаннга – чий гырджын.
Татлы тилде – сёз ариу, чемер къолда – иш ариу.
Ана къойну – балагъа джандет.
Арба аугъандан сора, джол кёргюзтюучю кёб болур.
Ата Джуртча джер болмаз, туугъан элча эл болмаз.
Къарнынг тойгъунчу аша да, белинг талгъынчы ишле.
Уллу суу бла уллу ауруудан башынгы сакъла.
Элде адам къалмаса, ит тахтагъа минер.
Алтыннга тот къонмаз.
Ана кёлю – балада, бала кёлю – талада.
Къошда джокъгъа – юлюш джокъ.
Кёзню ачылгъаны – иги, ауузну джабылгъаны – иги.
Рысхы – сют юсюнде кёмюк кибикди.
Тойгъан антын унутур.
Ана – юйню кюн джарыгъы.
Юреннген ауруу къалмаз.
Ишленмеклик адамлыкъды.
Джарлы эскисин джамаса, къууаныр.
Кёбден умут этиб, аздан къуру къалма.
Аман къатын алгъан, арыр, иги къатын алгъан джарыр.
Кийим тукъум сордурур.
Аманны эки битли тону болур, бирин сеннге кийдирир, бирин кеси киер.
Арбаз къынгырды да, ийнек сауалмайма.
Ашаса, ашамаса да, бёрюню ауузу – къан.
Къозулугъунда тоймагъан, къойлугъунда тоймаз.
Атлыны ашхысы, ат тизгининден билинир
Дуния малгъа сатылма, кесингден телиге къатылма.
Адам къыйынлыгъын кёлтюрюр, зауукълугъун кёлтюрмез.
Ёлген аслан – сау чычхан.
Джуртун къоругъан озар.
Шекер бла туз – бир болмаз, ушамагъан – юй болмаз.
Адам туугъан джеринде, ит тойгъан джеринде.
Ушамагъан – джукъмаз.
Окъуу – билимни ачхычы, окъуу – дунияны бачхычы.
Ач да бол, токъ да бол – намысынга бек бол.
Игилик игилик бла сингдирилиучю затды.
Ашхылыкъ джерде джатмайды, аманлыкъ суугъа батмайды.
Къонакъ аз олтурур, кёб сынар.
Бек ашыкъгъан меннге джетсин, дегенди аракъы.
Борчунг бар эсе, хурджунунга ойлаб узал.
Тёрдеги кюлсе, эшикдеги ышарыр.
Тил – миллетни джаны.
Уллу къазанда бишген эт, чий къалмаз.
Иги сёз – джаннга азыкъ, аман сёз башха – къазыкъ.

Логин:
Пароль:
	Запомнить меня на этом компьютере

Забыли свой пароль?
Регистрация