- Эринчекни эр алмаз, эр алса да, кёл салмаз, кёл салса да, кёб бармаз!
- Адам къыйынлыгъын кёлтюрюр, зауукълугъун кёлтюрмез.
- Ишин билген, аны сыйын чыгъарады.
- Тойгъан джерден туугъан джер игиди.
- Ишлегенде эринме, ишде чолакъ кёрюнме.
- Телиге от эт десенг, юйюнге от салыр.
- Агъач халкъгъа алтынды, иссиликге салкъынды.
- Джаханимни кёрмей, джандетге кёл салмазса.
- Булут кёкге джарашыу, уят бетге джарашыу.
- Бастасын ашагъан, хантусун да ичер.
- Игини сыйлагъан адетди.
- Къыз чыгъаргъан – къызыл къымжа.
- Эте билген, этген этеди, эте билмеген, юретген этеди!
- Сёз сёзню айтдырыр.
- Аз сёлеш, кёб ишле.
- Ариу сёз аурууунгу алыр.
- Намыс сатылыб алынмайды.
- Чабакъгъа акъыл, табагъа тюшсе келеди.
- Хоншуну тауугъу къаз кёрюнюр, келини къыз кёрюнюр.
- Чакъырылмагъан джерге барма, чакъырылгъан джерден къалма.
- Ишлегенден, къарагъан уста.
- Халкъны джырын джырласанг, халкъ санга эжиу этер.
- Къарын къуру болса, джюрек уру болур.
- Олтуруб кёрюнмей эди да, ёрге туруб кёрюне эди.
- Окъугъанны бети джарыкъ.
- Эрни эр этерик да, къара джер этерик да, тиширыуду.
- Айтхан сёзюне табылгъан.
- Тёзгеннге, джабылгъан эшик ачылыр.
- Къайгъыны сюйген, къайгъы табар.
- Нёгерсизни джолу узун.
- Миллетни бойну – базыкъ, аны бла кюрешген – джазыкъ.
- Уллу къазанда бишген эт, чий къалмаз.
- Термилгенинги табмазса, кюлгенинге тюберсе.
- Джарлы эскисин джамаса, къууаныр.
- Аууздан келген, къолдан келсе, ким да патчах болур эди.
- Ёлюр джаннга, ёкюл джокъ.
- Юйлю уругъа ит чабмаз.
- Башда акъыл болмаса, эки аякъгъа кюч джетер.
- Тойгъа алгъа да барма, тойда артха да къалма.
- Окъдан джара эртде-кеч болса да бителир, сёз джара, ёмюрге къалыр.
- Тюзню ётмеги тюзде къалса да, тас болмаз.
- Джаз бир кюнню джатсанг, къыш талай кюнню абынырса.
- Тамырсыз терекге таянма – джыгъылырса.
- Айтхан – тынч, этген – къыйын.
- Чомарт бергенин айтмаз.
- Дуния мал дунияда къалады.
- Ёлген ийнек сютлю болур.
- Иги – алгъыш этер, аман – къаргъыш этер.
- Билим – акъылны чырагъы.
- Мухарны эси – ашарыкъда.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72