- Иги – алгъыш этер, аман – къаргъыш этер.
- Ёксюзню къалачы уллу кёрюнюр.
- Тай асырагъан, атха минер.
- Ата Джуртуму башы болмасам да, босагъасында ташы болайым.
- Ашхы атаны – джашы ашхы, ашхы ананы – къызы ашхы.
- Мухар, кеси тойса да, кёзю тоймаз.
- Ойнай билмеген, оюн бузар.
- Адам туугъан джеринде, ит тойгъан джеринде.
- Акъыллы башны – тили къысха.
- Джарлы джети элни сёзюн этер.
- Кёл ашады да, кеси ашады.
- Къан бла кирген, джан бла чыгъар.
- Сыфатында болмагъаны, суратында болмаз.
- Махтаннган къыз, тойда джукълар.
- Ашха уста, юйюнде болсун
- Ачлыкъ отха секиртир.
- Билимден уллу байлыкъ джокъду.
- Ашхы сёз таш тешер.
- Къуллукъчума, деб махтанма, къуллукъ – хаух джамчыды!
- Джюрек кёзден алгъа кёрюр.
- Керилген да, ургъан кибикди.
- Чомарт джарлы болмаз.
- Аууз сакълагъан – джан сакълар.
- Урунуу – насыбны анасы.
- Къазанда болса, чолпугъа чыгъар.
- Айыбны суу бла джууалмазса.
- Эркиши – от, тиширыу – суу.
- Бойнуму джети джерден кессенг да, мен ол ишни этеллик тюлме.
- Джигер – джаннга къыйынлыкъ.
- Аз сёлеш, кёб ишле.
- Таукел адам тау тешер.
- Чарсда алчыны эл кёреди.
- Шапа кёб болса, аш татымсыз болур.
- Урама да – ёледи, сатама да – келеди.
- Бёрю да ач къалмасын, эчки да ашалмасын.
- Эрине къаргъыш этген къатын, эрнин къабар.
- Юйлю уругъа ит чабмаз.
- Тёзгеннге, джабылгъан эшик ачылыр.
- Сабыр джетер муратха, сабырсыз къалыр уятха.
- Ашлыкъ – бюртюкден, джюн – тюкден.
- Джаралыны джастыгъында сау ёлюр.
- Къыйынлы джети элни къайгъысын этер.
- Кийиминг бла танылма, адамлыкъ бла таныл.
- Эри аманны, къатыны – аман.
- Кёбге таш атма.
- Юй ишлеген балта эшикде къалыр.
- Ана – юйню кюн джарыгъы.
- Босагъагъа джууукъ орун болса, ашыгъыб тёрге озма.
- Ауругъаннга – кийик саулукъ, джетген къызгъа – чилле джаулукъ.
- Ашын ашагъанынгы, башын да сыйла.
Профиль
|
ramzes14
 Эльбрусоид
Cообщений: 97
Баллов: 77
Регистрация: 22.07.2012
Последний визит: 23.03.2015 14:44:27
|
|
||||||
|
|
|
||||||