- Атлыны кёрсе, джаяуну буту талыр.
- Башда акъыл болмаса, эки аякъгъа кюч джетер.
- Соргъан айыб тюлдю, билмеген айыбды.
- Ишлегенде эринме, ишде чолакъ кёрюнме.
- Рысхы – насыбха къор.
- Тилчиден кери бол.
- Джарлы эскисин джамаса, къууаныр.
- Чабакъсыз кёлге къармакъ салгъанлыкъгъа, чабакъ тутмазса.
- Тилде сюек болмаса да, сюек сындырыр.
- Адамгъа аман кюн соруб келмейди.
- Азыгъы аз, алгъа къабар, аты аман, алгъа чабар.
- Намысы джокъну – дуниясы джокъ.
- Айтханы чапыракъдан ётмеген.
- Юйюнгден чыкъдынг – кюнюнгден чыкъдынг.
- Джолунга кёре – джюрюшюнг, джагъанга кёре – юлюшюнг.
- Мал кёб болса, джууукъ кёб болур.
- Атлыны ашхысы, ат тизгининден билинир
- Кёрмегеннге кебек – танг, битмегеннге сакъал – танг.
- Гыдай эчки суугъа къараб, мюйюзле кёрмесе, джашма алкъын, дегенди.
- Билим – акъылны чырагъы.
- Иги болса, тамадама – махтау, аман болса, меннге – айыб.
- Эли джокъну – кёлю джокъ.
- Суугъа – таянма, джаугъа – ийнанма.
- Кёлю джокъну – джолу джокъ.
- Алгъанда – джууукъ, бергенде – джау.
- Кёб джашагъан – кёб билир.
- Къартны бурнун сюрт да, оноугъа тут.
- Джетген къыз джерли эшекни танымаз.
- Гырджын – тепсини тамадасы.
- Джарлы джети элни сёзюн этер.
- Олтуруб кёрюнмей эди да, ёрге туруб кёрюне эди.
- Ханы къызы буюгъа-буюгъа киштик болду.
- Хазыр ашха – терен къашыкъ.
- Ашлыкъны арба юйге келтирир, чана базаргъа элтир.
- Ушамагъан – джукъмаз.
- Иесиз малны бёрю ашар.
- Эллинг бла джау болсанг да, юйюнг бла джау болма.
- Агъач – джерни чырайы, кийим – эрни чырайы.
- Эринчекни эр алмаз, эр алса да, кёл салмаз, кёл салса да, кёб бармаз!
- Къартны сыйын кёрмеген, къартлыгъында сыйлы болмаз.
- Ачыу алгъа келсе, акъыл артха къалады.
- Акъыллы – эл иеси, тели – эл баласы.
- Чакъырылмагъан къонакъ къачан кетерин сормаз.
- Уллу къазанда бишген эт, чий къалмаз.
- Кёб ант этген, кёб ётюрюк айтыр.
- Адамны сыфатына къарама, сёзюне къара.
- Кёзю сокъурдан – къоркъма, кёлю сокъурдан – къоркъ.
- Ётюрюкню къуйругъу – бир тутум.
- Окъуусуз билим – джокъ, билимсиз кюнюнг – джокъ.
- Джюрекден джюрекге джол барды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72