- Экеу тутушса, биреу джыгъылыр.
- Тамырсыз терекге таянма – джыгъылырса.
- Байны къызы баймакъ болса да, юйде къалмаз!
- Ач – эснер, ат – кишнер.
- Билим – акъылны чырагъы.
- Къулакъдан эсе, кёзге ышан.
- Къозулугъунда тоймагъан, къойлугъунда тоймаз.
- Къарнынг бла ёч алма.
- Игилик игилик бла сингдирилиучю затды.
- Биреу ашаб къутулур, биреу джалаб тутулур.
- Кёпюр салгъан кеси ётер, уру къазгъан кеси кетер.
- Таякъ этден ётер, тил сюекден ётер.
- Арба аугъандан сора, джол кёргюзтюучю кёб болур.
- Керилген да, ургъан кибикди.
- Берекет берсин деген джерде, берекет болур.
- Тай асырагъан, атха минер.
- Джумушакъ терекни къурт ашар.
- Джиби бир къат джетмей эди да, эки къат тарта эди.
- Кёл – къызбай, къол – батыр.
- Сыфатында болмагъаны, суратында болмаз.
- Билим ат болуб да чабар, къуш болуб да учар.
- Ач отунчуну ачыуу – бурнунда.
- Джеринден айырылгъан – джети джылар, джуртундан айырылгъан – ёлгюнчю джылар.
- Иши джокъну, сыйы джокъ.
- Агъач – джерни чырайы, кийим – эрни чырайы.
- Бети – къучакълар, джюреги – бычакълар.
- Ышармагъан – кюлмез, кюлмеген – къууанчны билмез.
- Таукел къуру къалмаз.
- Джарлыны тону джаз битер.
- Ана къойну – балагъа джандет.
- Дуния мал дунияда къалады.
- Таула не мийик болсала да, аууш табылыр.
- Ишлемеген – тишлемез.
- Эл ауузу – элек, анга ийнаннган – халек.
- Чомартха хар кюн да байрамды.
- Насыб бютеу халкъны юлюшюдю.
- Юй ишлеген балта эшикде къалыр.
- Эл ауузу – элия.
- Аш иеси бла татлыды.
- Тенги кёбню джау алмаз, акъылы кёбню дау алмаз.
- Сууда джау джокъ, кёб сёзде магъана джокъ.
- Артына баргъанны, къатына барма.
- Бёрю да ач къалмасын, эчки да ашалмасын.
- Тешик этген тынчды, аны джамагъан къыйынды.
- Ачылгъан эт джабылыр, кёрген кёз унутмаз.
- Олтуруб кёрюнмей эди да, ёрге туруб кёрюне эди.
- Иги – алгъыш этер, аман – къаргъыш этер.
- Танг атмайма десе да, кюн къоярыкъ тюйюлдю.
- Окъуу – билимни ачхычы, окъуу – дунияны бачхычы.
- Сакъламагъан затынга джолукъсанг, не бек къууанаса, не бек ачыйса.
Профиль
|
|
|||