- Эри аманны, къатыны – аман.
- Ёгюзню мюйюзюнден тутадыла, адамны сёзюнден тутадыла.
- Чакъырылмагъан къонакъ тёрге атламаз.
- Къарнынг ауруса, ауузунгу тый
- Къолунгдан къуймакъ ашатсанг да, атаны борчундан къутулмазса.
- Кёб ант этген, кёб ётюрюк айтыр.
- Ашхы сёз таш тешер.
- Кийимни бичсенг, кенг бич, тар этген къыйын тюлдю.
- Эл бла кёргенинг эрелей.
- Ауузу аманнга «иги», деме.
- Ачыу алгъа келсе, акъыл артха къалады.
- Намысы джокъну – дуниясы джокъ.
- Хар ишни да аллы къыйынды.
- Чакъырылгъанны аты, чакъырылмагъанны багъасы болур.
- Уллу суу бла уллу ауруудан башынгы сакъла.
- Биреуню къыйынлыгъы бла кесинге джол ишлеме.
- Биреуге аманлыкъ этиб, кесинге игилик табмазса.
- Башы ишлегенни, ауузу да ишлер.
- Халкъны юйю – туугъан джери.
- Къартны сыйын кёрмеген, къартлыгъында сыйлы болмаз.
- Байны къызы баймакъ болса да, юйде къалмаз!
- Ашха уста, юйюнде болсун
- Айныгъанлы алты кюн, тогъайгъанлы тогъуз кюн.
- Кесинг сынамагъан затны, адамгъа буюрма.
- Тил бла келеди джыр да.
- Кёкдеги болмаса, джердегин кёрмейди.
- Къартха ушагъан джаш – акъыллы, джашха ушагъан къарт – тели.
- Джаралыны джастыгъында сау ёлюр.
- Берекет берсин деген джерде, берекет болур.
- Адамны сыфатына къарама, сёзюне къара.
- Экеулен сёлеше тура эселе, орталарына барыб кирме.
- Бозанг болмагъан джерге, къалагъынгы сукъма.
- Тюкюрюк баш джармаз, налат кёз чыгъармаз!
- Кёб джашагъан – кёб билир.
- Илму – джашауну джолу.
- Кирсизни – саны таза, халалны – къаны таза.
- Тыш элде солтан болгъандан эсе, кесинги элде олтан болгъан игиди!
- Ачны эсинде – аш.
- Ашыкъгъан cуу, тенгизге джетмез.
- Джиби бир къат джетмей эди да, эки къат тарта эди.
- Таукел адам тау тешер.
- Босагъа таш юйге кирмей эди, тыбыр таш эшикге чыкъмай эди.
- Чабакъ башындан чирийди.
- Сабыр джетер муратха, сабырсыз къалыр уятха.
- Сескекли кесин билдирир.
- Къулакъдан эсе, кёзге ышан.
- Аман адамны тепсинге олтуртсанг, къызынгы тилер.
- Къарны аманнга къазан такъдырма, къолу аманнга от джакъдырма.
- Билим – акъылны чырагъы.
- Къызгъанчдан ычхыныр, мухардан ычхынмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72