- Уллу сёлешме да, уллу къаб.
- Арбаз сайлама да, хоншу сайла.
- Джети тилни билген джети кишиди.
- Татлы тилде – сёз ариу, чемер къолда – иш ариу.
- Таула не мийик болсала да, аууш табылыр.
- Чакъырылгъанны аты, чакъырылмагъанны багъасы болур.
- Эки элинги тыйсанг, джети элде махталырса.
- Джарлы тюеге минсе да, ит къабар.
- Джарлы эскисин джамаса, къууаныр.
- Аш берме да, къаш бер.
- Борчунг бар эсе, хурджунунга ойлаб узал.
- Ауругъанны сау билмез, ач къарынны токъ билмез.
- Эр абынмай, эл танымаз.
- Рысхы – насыбха къор.
- Айырылмаз джууугъунга, унутмаз сёзню айтма.
- Джаным-тиним – окъуу, билим.
- Кимни – тили, тиши онглу, кимни – къолу, иши онглу.
- Къан бла кирген, джан бла чыгъар.
- Ашыкъгъан cуу, тенгизге джетмез.
- Къайгъыны сюйген, къайгъы табар.
- Суугъа – чабакъ, къаягъа – ыргъакъ.
- Джарлыны тону джаз битер.
- Адам сёзге тынгыла, акъыл сёзню ангыла.
- Насыблы элин сюер, насыбсыз кесин сюер.
- Ёлмесенг да, къарт дамы болмазса?
- Сескекли кесин билдирир.
- Этим кетсе да, сюегим къалыр.
- Ёгюзню мюйюзюнден тутадыла, адамны сёзюнден тутадыла.
- Ишни аллы бла къууанма да, арты бла къууан.
- Джол бла сёзню къыйыры джокъ.
- Аш иеси бла татлыды.
- Ач, тоймам, дейди, тойгъан, ач болмам, дейди.
- Ишлерге уял да, ашаргъа табма.
- Билеги кючлю, бирни джыгъар, билими кючлю, мингни джыгъар.
- Накъырда – кертини келечиси.
- Юре билмеген ит, къонакъ келтирир.
- Ашда уялгъан – мухар, ишде уялгъан – хомух.
- Намыс сатылыб алынмайды.
- Айырылгъанланы айю ашар, бёлюннгенлени бёрю ашар.
- Къозулугъунда тоймагъан, къойлугъунда тоймаз.
- Аман адам элни бир-бирине джау этер.
- Кёзюнде тереги болгъан, чёбю болгъаннга кюле эди.
- Тенгинг джокъ эсе – изле, бар эсе – сакъла!
- Айтхан сёзюне табылгъан.
- Ёлюк кебинсиз къалмаз.
- Тёрде – темир таякълы, къаяда – чыпчыкъ аякълы.
- Чоюнну башы ачыкъ болса, итге уят керекди.
- Азыгъы аз, алгъа къабар, аты аман, алгъа чабар.
- Нёгерсизни джолу узун.
- Чомарт къонакъ юй иесин сыйлар.
Профиль
|
|
|||