- Ишленмеген джаш – джюгенсиз ат, ишленмеген къыз – тузсуз хант.
- Накъырда – кертини келечиси.
- Телиге акъыл салгъандан эсе, ёлгеннге джан салырса.
- Сескекли кесин билдирир.
- Ауругъан – джашаудан умутчу.
- Ашда – бёрю, ишде – ёлю.
- Юйлю уругъа ит чабмаз.
- Иги адамны бир сёзю эки болмаз.
- Дууулдаса – бал чибин, къонса – къара чибин.
- Арпа, будай – ащды, алтын, кюмюш а – ташды.
- Къонагъы джокъну – шоху джокъ.
- Эл бла кёргенинг эрелей.
- Агъач халкъгъа алтынды, иссиликге салкъынды.
- Элге къуллукъ этмеген, элге ие болмаз.
- Юйюнг бла джау болгъандан эсе, элинг бла джау бол.
- Арба аугъандан сора, джол кёргюзтюучю кёб болур.
- Гырджын – тепсини тамадасы.
- Махтаннган къыз, тойда джукълар.
- Хар зат кесини орнуна иги.
- Джарлы джети элни сёзюн этер.
- Тили узунну, намысы – къысха.
- Чакъырылмагъан къонакъ – орунсуз.
- Аш хазыр болса, иш харам болур.
- Ёлген аслан – сау чычхан.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тёрени джагъы джокъ.
- Джолда аягъынга сакъ бол, ушакъда тилинге сакъ бол.
- Арыгъан къош чамчы болур.
- Джылкъыдан – ат чыгъар, тукъумдан – джаш чыгъар.
- Ата джурт – алтын бешик.
- Ана къолу ачытмаз.
- Таш бла ургъанны, аш бла ур.
- Бек ашыкъгъан меннге джетсин, дегенди аракъы.
- Магъанасыз сёз – тауушсуз сыбызгъы.
- Кюн кёрмеген, кюн кёрсе, кюндюз чыракъ джандырыр.
- Хата – гитчеден.
- Сакъламагъан затынга джолукъсанг, не бек къууанаса, не бек ачыйса.
- Уллу сёзде уят джокъ.
- Кёл ашады да, кеси ашады.
- Окъ къызбайны джокълайды.
- Аман адамны тепсинге олтуртсанг, къызынгы тилер.
- Къарын къуру болса, джюрек уру болур.
- Сакъалы текени да бар, мыйыгъы киштикни да бар.
- Бюгюн дуния кибик, тамбла ахыратды.
- Чоюнну башы ачыкъ болса, итге уят керекди.
- Къуллукъчума, деб махтанма, къуллукъ – хаух джамчыды!
- Элиб деген, элге болушур.
- Сютню башын джалагъан къутулур, тюбюн ичген тутулур.
- Татлы сёз – балдан татлы.
- Ойнаб айтсанг да, эслеб айт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72