- Элде адам къалмаса, ит тахтагъа минер.
- Тюзлюк тас болмайды.
- Бир онгсуз адам адет чыгъарды, деб эштирик тюлсе.
- Телиге акъыл салгъандан эсе, ёлгеннге джан салырса.
- Бети бедерден, намыс сакълама.
- Айранын берсенг, челегин да къызгъанма.
- Аллахха ийнаннган кишини, Аллах онгдурур ишин.
- Ишни аллы бла къууанма да, арты бла къууан.
- Бастасын ашагъан, хантусун да ичер.
- Ханнга да келеди хариблик.
- Ата – баланы уясы.
- Терслик кетер, тюзлюк джетер.
- Зар адамны насыбы болмаз.
- Гугурук къычырмаса да, тангны атары къалмаз.
- Дуния аламаты сен эсенг да, игиме деб айтма.
- Кёб джашагъан – кёб билир.
- Джылкъыдан – ат чыгъар, тукъумдан – джаш чыгъар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кечеси – аяз, кюню – къыш, джарлы къаргъагъа бир аш тюш!
- Къызбайны юйюне дери сюрсенг, батыр болур.
- Билим ат болуб да чабар, къуш болуб да учар.
- Юйюнгден чыкъдынг – кюнюнгден чыкъдынг.
- Сабийликде юретмесенг, уллу болса – тюзелмез.
- Кёпюр салгъан кеси ётер, уру къазгъан кеси кетер.
- Кюлме джашха – келир башха.
- Биреу къой излей, биреу той излей.
- Сютню башын джалагъан къутулур, тюбюн ичген тутулур.
- Къонакъ хазыр болгъанлыкъгъа, къонакъбай хазыр тюлдю.
- Уллу сёзде уят джокъ.
- Тил джюрекге джол ишлейди.
- Аурууну келиую тынч, кетиую – къыйын.
- Ойнаб айтсанг да, эслеб айт.
- Джарашыу сюйген – джалынчакъ.
- Тойгъан антын унутур.
- Джол бла сёзню къыйыры джокъ.
- Ашда – бёрю, ишде – ёлю.
- Кёб къычыргъандан – къоркъма, тынч олтургъандан – къоркъ.
- Къайгъыны сюйген, къайгъы табар.
- Хата – гитчеден.
- Тёрдеги кюлсе, эшикдеги ышарыр.
- Арба аугъандан сора, джол кёргюзтюучю кёб болур.
- Эли джокъну – кёлю джокъ.
- Джырчы джырчыгъа – къарнаш.
- Джолда аягъынга сакъ бол, ушакъда тилинге сакъ бол.
- Ариу джол аджал келтирмез.
- Чомартны къолу берекет.
- Тюзню ётмеги тюзде къалса да, тас болмаз.
- Намысы джокъну – дуниясы джокъ.
- Сууда джау джокъ, кёб сёзде магъана джокъ.
- Шайтан алдады, тюзлюк къаргъады.
Профиль
|
|
|||