- Хазыр ашха – терен къашыкъ.
- Кёбню кёрген – кёб билир.
- Билим къая тешер.
- Мен да «сен», дейме, сен да «кесим», дейсе.
- Таш ата билмеген, башына урур.
- Айтылгъан сёз ызына къайтмаз.
- Ариу сёз джыланны орнундан чыгъарыр.
- Эте билген, этген этеди, эте билмеген, юретген этеди!
- Джолунга кёре – джюрюшюнг, джагъанга кёре – юлюшюнг.
- Биреуге аманлыкъны тилеме да, кесинге ашхылыкъны тиле.
- Танг атмайма десе да, кюн къоярыкъ тюйюлдю.
- Ачлыкъда тары гырджын халыуадан татлы.
- Чакъырылмагъан къонакъ къачан кетерин сормаз.
- Рысхы джалгъанды: келген да этер, кетген да этер.
- Суу ичген шауданынга тюкюрме.
- Алма терегинден кери кетмез.
- Эм ашхы къайын ана мамукъ бла башынгы тешер.
- Ачыу алгъа келсе, акъыл артха къалады.
- Аллахха ийнаннган кишини, Аллах онгдурур ишин.
- Къонагъынгы артмагъын алма да, алгъышын ал.
- Адеби болмагъан къыз – тузсуз хант.
- Къарын къуру болса, джюрек уру болур.
- Бюгюн дуния кибик, тамбла ахыратды.
- Хантына кёре тузу, юйюне кёре къызы.
- Къуру гыбыт бек дыгъырдар.
- Эл тойса, тоймагъан, эл къойса, къоймагъан.
- Сабий болмагъан джерде, мёлек болмаз.
- Намыс сатылыб алынмайды.
- Тенгни тенглиги джашай барсанг билинир.
- Кесине оноу эте билмеген, халкъына да эте билмез.
- Къатыны харакетли болса, эри къымсыз болур.
- Арбаз сайлама да, хоншу сайла.
- Джахил болса анасы, не билликди баласы?
- Тамчы таш тешер.
- Аман къатын алгъан, арыр, иги къатын алгъан джарыр.
- Иги сёз – джаннга азыкъ, аман сёз башха – къазыкъ.
- Шекер бла туз – бир болмаз, ушамагъан – юй болмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Сёз къанатсыз учар.
- Билмейме деген – бир сёз
- Къайгъыны сюйген, къайгъы табар.
- Акъыл бла адеб эгизледиле.
- Сакъалы текени да бар, мыйыгъы киштикни да бар.
- Къазанны башы ачыкъ болса, итге уят керекди.
- Эр абынмай, эл танымаз.
- Къатын байлыкъны сюер, эр саулукъну сюер.
- Хунаны тюбюн къазсанг, юсюнге ауар.
- Ач уят къоймаз.
- Мураты болгъанны джюрек тебюую башхады.
- Ашхы – джыяр, аман – джояр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72