- Ургъан суудан башынгы сакъла.
- Ичимден чыкъды хата, къайры барайым сата?
- Акъыллы – эл иеси, тели – эл баласы.
- Хатерли къул болур.
- Къанны къан бла джуума, аманны аман бла къуума.
- Олтуруб кёрюнмей эди да, ёрге туруб кёрюне эди.
- Оюмсуз атлагъан, аджалсыз ёлюр.
- Адеби болмагъан къыз – тузсуз хант.
- Тенгинг джокъ эсе – изле, бар эсе – сакъла!
- Таукел къуру къалмаз.
- Тамбла алтындан бюгюн багъыр ашхы.
- Джарлы джети элни сёзюн этер.
- Къумурсхала джыйылсала, пилни да джыгъадыла.
- Тилчи тилден къаныкъмаз.
- Ауругъанны сау билмез, ач къарынны токъ билмез.
- Аман эсирсе, юйюн ояр.
- Кюн – узун, ёмюр – къысха.
- Аджашханны ызындагъы кёреди, джангылгъанны джанындагъы биледи.
- Бёрю да ач къалмасын, эчки да ашалмасын.
- Эрине къаргъыш этген къатын, эрнин къабар.
- Байны къызы баймакъ болса да, юйде къалмаз!
- Адамны джюреги нени кёрюрге сюйсе, кёзю да аны кёрюрге ёч болады.
- Ойнай билмеген, уруб къачар.
- Джукъу тёшек сайламайды.
- Адебсиз адам – джюгенсиз ат.
- Аууздан келген, къолдан келсе, ким да патчах болур эди.
- Къонакъны къачан кетерин сорма, къачан келлигин сор.
- Адам къыйынлыгъын кёлтюрюр, зауукълугъун кёлтюрмез.
- Тас болгъан бычакъны сабы – алтын.
- Ишленмеген джаш – джюгенсиз ат, ишленмеген къыз – тузсуз хант.
- Джылар джаш, атасыны сакъалы бла ойнар.
- Ана – юйню кюн джарыгъы.
- Ариу сёз – джаннга азыкъ, аман сёз – башха къазыкъ.
- Ариу – кёзге, акъыл – джюрекге.
- Кесине гебен этелмеген, биреуге черен эте эди.
- Сёз – кюмюш, джыр – алтын.
- Башы ишлегенни, ауузу да ишлер.
- Тешик этген тынчды, аны джамагъан къыйынды.
- Сескекли кесин билдирир.
- Ауузу бла къуш тута айланады.
- Тенгни тенглиги джашай барсанг билинир.
- Бюгюн дуния кибик, тамбла ахыратды.
- Сакъламагъан затынга джолукъсанг, не бек къууанаса, не бек ачыйса.
- Бозанг болмагъан джерге, къалагъынгы сукъма.
- Ач отунчуну ачыуу – бурнунда.
- Къарнынг къанлынга кийирир.
- Джюз элде джюз ёгюзюм болгъандан эсе, джюз джууугъум болсун.
- Элни кючю – эмеген.
- Аякъларынгы джууургъанынга кёре узат.
- Ата Джуртун танымагъан, атасын да танымаз.
Профиль
|
|
|
|||