- Къатыны харакетли болса, эри къымсыз болур.
- Къонакъ аман болса, къонакъбай джунчур
- Сакъ юйюне сау барыр.
- Бети бедерден, намыс сакълама.
- Къралынгы – душмандан, башынгы от бла суудан сакъла.
- Хансыз джомакъ болмаз.
- Нарт сёз – тилни бети.
- Джолунга кёре – джюрюшюнг, джагъанга кёре – юлюшюнг.
- Ёзденликни джайгъан – джокълукъ.
- Джарашыу сюйген – джалынчакъ.
- Тамырсыз терекге таянма – джыгъылырса.
- Татлы сёз – балдан татлы.
- Аджашхан тёгерек айланыр.
- Эки ойлашыб, бир сёлешген.
- Накъырда – кертини келечиси.
- Баш болса, бёрк табылыр.
- Аш иеси бла татлыды.
- Башда акъыл болмаса, эки аякъгъа кюч джетер.
- Бети къызарыучу адамны, джюреги харам болмаз.
- Иги джашны ышаны – аз сёлешиб, кёб тынгылар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къызны минг тилер, бир алыр.
- Этек чакъмакълары баш джаргъан, сёлешген сёзлери таш джаргъан.
- Баш – акъыл ючюн, акъылман – халкъ ючюн.
- Кесине оноу эте билмеген, халкъына да эте билмез.
- Арбаз къынгырды да, ийнек сауалмайма.
- Тилсиз миллет джокъ болур.
- Намыс сатылыб алынмайды.
- Сёз къанатсыз учар.
- Байны къызы баймакъ болса да, юйде къалмаз!
- Элге къуллукъ этмеген, элге ие болмаз.
- Башланнган иш битер, къымылдагъан тиш тюшер.
- Ариу сёзде ауруу джокъ.
- Иги адам абынса да, джангылмаз.
- Джашлыкъ этмеген, башлыкъ этмез.
- Юре билмеген ит, къонакъ келтирир.
- Aдам боллукъ, сыфатындан белгили.
- Орундукъ тюбюнде атылсам да, орта джиликме, де да айлан.
- Айырылгъанланы айю ашар, бёлюннгенлени бёрю ашар.
- Таукел тауну аудурур.
- Атынг аманнга чыкъгъандан эсе, джанынг тамагъынгдан чыкъсын.
- Ачлыкъда тары гырджын халыуадан татлы.
- Ашхы тенг джолгъа салыр, аман тенг джолдан тайдырыр.
- Игини сыйлагъан адетди.
- Рысхы джалгъанды: келген да этер, кетген да этер.
- Кюн кёрмеген, кюн кёрсе, кюндюз чыракъ джандырыр.
- Къарнынг бла ёч алма.
- Къоркъакъны кёзю экили кёрюр.
- Къызгъанчдан ычхыныр, мухардан ычхынмаз.
- Гугук кесини атын айтыб къычыргъанча, мен, мен деб нек тураса?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72