- От кюйдюрген, сау болса да, тот кюйдюрген, сау болмаз.
- Кийиминг бла танылма, адамлыкъ бла таныл.
- Сакъламагъан затынга джолукъсанг, не бек къууанаса, не бек ачыйса.
- Тюз сёз баргъан сууну тыяр.
- Мен да «сен», дейме, сен да «кесим», дейсе.
- Ауругъан – джашаудан умутчу.
- Бет бетге къараса, бет да джерге къарар.
- Къарнынг бла ёч алма.
- Адам къыйынлыгъын кёлтюрюр, зауукълугъун кёлтюрмез.
- Ачылгъан эт джабылыр, кёрген кёз унутмаз.
- Ойнай-ойнай кёз чыгъар.
- Чакъырылмагъан къонакъ къачан кетерин сормаз.
- Алтыда кюлмеген, алтмышда кюлмез.
- Къазанны башы ачыкъ болса, итге уят керекди.
- Билмегенинги, билгеннге сор.
- Кёзден кетген, кёлден да кетеди.
- Бир абыннган – минг сюрюнюр.
- Кёб джат да, бек чаб.
- Джумушакъ сёз къаты таякъны сындырыр.
- Берекет берсин деген джерде, берекет болур.
- Чомарт бергенин айтмаз.
- Таукел тауну аудурур.
- Окъугъанны бети джарыкъ.
- Къартха ушагъан джаш – акъыллы, джашха ушагъан къарт – тели.
- Чакъырылмагъан джерге барма, чакъырылгъан джерден къалма.
- Кёбден умут этиб, аздан къуру къалма.
- «Ма», - дегенни билмесенг, «бер», - дегенни билмезсе.
- Уллу сёлешме да, уллу къаб.
- Ач, тоймам, дейди, тойгъан, ач болмам, дейди.
- Ата – баланы уясы.
- Джюрек кёзден алгъа кёрюр.
- Атадан ёксюз – бир ёксюз, анадан ёксюз – эки ёксюз.
- Аз сёлешген, къайгъысыз турур.
- Адеби болмагъан къыз – тузсуз хант.
- Ашхы – джыяр, аман – джояр.
- Накъырданы арты керти болур.
- Чакъырылмай келген къонакъ сыйланмай кетер.
- Тамырсыз терекге таянма – джыгъылырса.
- Тёрени джагъы джокъ.
- Къатын байлыкъны сюер, эр саулукъну сюер.
- Къалгъан ишге къар джауар.
- Терек ауса, отунчу – кёб.
- Чыбыкълыкъда бюгюлмеген, къазыкълыкъда бюгюлмей эди.
- Бастасын ашагъан, хантусун да ичер.
- Юреннген ауруу къалмаз.
- Айтылгъан буйрукъ, сёгюлмез
- Гугук кесини атын айтыб къычыргъанча, мен, мен деб нек тураса?
- Билим – акъылны чырагъы.
- Джигер – джаннга къыйынлыкъ.
- Аллахха ийнаннган кишини, Аллах онгдурур ишин.
Профиль
|
|
|
|||