- Ашхы атаны – джашы ашхы, ашхы ананы – къызы ашхы.
- Билим насыб берир, билим джолну керир.
- Ашын ашагъанынгы, башын да сыйла.
- Эллинг бла джау болсанг да, юйюнг бла джау болма.
- Уллу айтханны этмеген – уллаймаз.
- Башсыз урчукъ тюзюне айланмаз.
- Мени джылытмагъан кюн, меннге тиймесин!
- Чомартха Тейри да борчлуду.
- Иги адамны бир сёзю эки болмаз.
- Ариу сёз аурууунгу алыр.
- Байлыкъ болгъан джерде, тынчлыкъ джокъду.
- Эшекни не къадар тюйсенг да, ат болмаз.
- Къоркъакъны кёзю экили кёрюр.
- Джолда аягъынга сакъ бол, ушакъда тилинге сакъ бол.
- Ханнга да келеди хариблик.
- Аманнга игилик этсенг, юйюнге сау бармазса.
- Ёлмесенг да, къарт дамы болмазса?
- Этни да ашады, бетни да ашады.
- Таш бла ургъанны, аш бла ур.
- Тамбла алтындан бюгюн багъыр ашхы.
- Кёзню ачылгъаны – иги, ауузну джабылгъаны – иги.
- Къартха ушагъан джаш – акъыллы, джашха ушагъан къарт – тели.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аджалсыз ёлюм болмаз.
- Ёксюзню къалачы уллу кёрюнюр.
- Чабакъсыз кёлге къармакъ салгъанлыкъгъа, чабакъ тутмазса.
- Кёб джат да, бек чаб.
- Адам сёзге тынгыла, акъыл сёзню ангыла.
- Джарлы тюеге минсе да, ит къабар.
- Намысы джокъну – дуниясы джокъ.
- Билимсиз иш бармаз.
- Билимден уллу байлыкъ джокъду.
- Бюгюн дуния кибик, тамбла ахыратды.
- Къалгъан ишге къар джауар.
- Джарлы джети элни сёзюн этер.
- Ашына кёре табагъы, балына кёре къалагъы.
- Кесинг сынамагъан затны, адамгъа буюрма.
- Къайгъыны сюйген, къайгъы табар.
- Керти сёзге тёре джокъ.
- Тёзгеннге, джабылгъан эшик ачылыр.
- Джарлы эскисин джамаса, къууаныр.
- Ана къойну – балагъа джандет.
- Эл ауузу – элек, анга ийнаннган – халек.
- Кечеси – аяз, кюню – къыш, джарлы къаргъагъа бир аш тюш!
- Билмегенинги, билгеннге сор.
- Артына баргъанны, къатына барма.
- Накъырда – кертини келечиси.
- Келгинчи, къонакъ уялыр, келгенден сора, къонакъбай уялыр.
- Айырылмаз джууугъунга, унутмаз сёзню айтма.
- Джарашыу сюйген – джалынчакъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72