Эльбрусоид :: Форум

Атлыны кёрсе, джаяуну буту талыр.
Ашына кёре табагъы, балына кёре къалагъы.
Ач, тоймам, дейди, тойгъан, ач болмам, дейди.
Чакъырылмай келген къонакъ сыйланмай кетер.
Аман киши кеси юйюнде – къонакъ.
Къолунгдан къуймакъ ашатсанг да, атаны борчундан къутулмазса.
Байлыкъдан саулукъ ашхыды.
Алма терегинден кери кетмез.
Акъыл къартда, джашда тюйюлдю – башдады.
Иесиз малны бёрю ашар.
Ашаса, ашамаса да, бёрюню ауузу – къан.
Бал чибинни ургъаны – ачы, балы – татлы.
«Ма», - дегенни билмесенг, «бер», - дегенни билмезсе.
Кёз – сюйген джерде, къол – ауругъан джерде.
Сескекли кесин билдирир.
Ашхы – джыяр, аман – джояр.
Суугъа – таянма, джаугъа – ийнанма.
Джарлы тюеге минсе да, ит къабар.
Кюлме джашха – келир башха.
Иги адам абынса да, джангылмаз.
Адеб этмеген, адеб кёрмез.
Миллетни бойну – базыкъ, аны бла кюрешген – джазыкъ.
Кийим тукъум сордурур.
Ач келгенни – тойдур, кеч келгенни – къондур.
Джюрек кёзден алгъа кёрюр.
Эки къатын алгъанны къулагъы тынгнгаймаз.
Этим кетсе да, сюегим къалыр.
Орну джокъну – сыйы джокъ.
Акъыллы – эл иеси, тели – эл баласы.
Ашхы сёз таш тешер.
Кёб къычыргъандан – къоркъма, тынч олтургъандан – къоркъ.
Ауругъанны сау билмез, ач къарынны токъ билмез.
Хар адамгъа кеси миннген тау кибик.
Туз, гырджын аша, тюзлюк бла джаша.
Атадан ёксюз – бир ёксюз, анадан ёксюз – эки ёксюз.
Байлыкъ келсе, акъыл кетер.
Кесине гебен этелмеген, биреуге черен эте эди.
Алтыда кюлмеген, алтмышда кюлмез.
Джашлыкъ этмеген, башлыкъ этмез.
Ётюрюк хапар аякъ тюбю бла джюрюйдю.
Къазанда болса, чолпугъа чыгъар.
Иги – алгъыш этер, аман – къаргъыш этер.
Ойнай билмеген, уруб къачар.
Олтуруб кёрюнмей эди да, ёрге туруб кёрюне эди.
Таш ата билмеген, башына урур.
Чомарт бергенин айтмаз.
Эрине къаргъыш этген къатын, эрнин къабар.
Биреуге аманлыкъ этиб, кесинге игилик табмазса.
Къан бла кирген, джан бла чыгъар.
Кёпюр салгъан кеси ётер, уру къазгъан кеси кетер.

Логин:
Пароль:
	Запомнить меня на этом компьютере

Забыли свой пароль?
Регистрация