- Тулпарлыкъ, билекден тюл – джюрекден.
- Магъанасыз сёз – тауушсуз сыбызгъы.
- Орну джокъну – сыйы джокъ.
- Къолу уллу – асыу, аягъы уллу – джарсыу.
- Билим насыб берир, билим джолну керир.
- Джарлы эскисин джамаса, къууаныр.
- Адамны сабийин сюйген джюреги, бычакъча, джитиди.
- Хаухну атма, ёнгкючню сатма.
- Мухар, кеси тойса да, кёзю тоймаз.
- Бастасын ашагъан, хантусун да ичер.
- Келгинчи, къонакъ уялыр, келгенден сора, къонакъбай уялыр.
- Ышармагъан – кюлмез, кюлмеген – къууанчны билмез.
- Къонакъ хазыр болгъанлыкъгъа, къонакъбай хазыр тюлдю.
- Къууут – джелге, берне – бошха.
- Алма терегинден кери кетмез.
- Ёмюрлюк шохлукъну джел элтмез.
- Аманны тукъумуна къарама, игини тукъумун сорма.
- Джерни букъусу кёкге къонмаз.
- Урунуу – насыбны анасы.
- Кёзден кетген, кёлден да кетеди.
- Къыз чыгъаргъан – къызыл къымжа.
- Тин – байлыгъынг, терен саулугъунг.
- Ата джурт – алтын бешик.
- Бек анасы джыламаз.
- Рысхы джалгъанды: келген да этер, кетген да этер.
- Чомарт джарлы болмаз.
- Терслик кетер, тюзлюк джетер.
- Келинни – келгинчи, бёркню кийгинчи кёр.
- Ач къалгъандан, кеч къалгъан къолай.
- Акъыллы айтыр эди, акъылсыз къоймайды.
- Атадан ёксюз – бир ёксюз, анадан ёксюз – эки ёксюз.
- Ойнаб айтсанг да, эслеб айт.
- Акъыллы – эл иеси, тели – эл баласы.
- Сангырау къулакъ эл бузар.
- Абынмазлыкъ аякъ джокъ, джангылмазлыкъ джаякъ джокъ.
- Азыгъы аз, алгъа къабар, аты аман, алгъа чабар.
- Бети къызарыучу адамны, джюреги харам болмаз.
- Айырылгъанланы айю ашар, бёлюннгенлени бёрю ашар.
- Азыкълы ат арымаз, къатыны аман джарымаз.
- Мадар болса, къадар болур.
- Тенгинг джокъ эсе – изле, бар эсе – сакъла!
- Ёлюр джаннга, ёкюл джокъ.
- Тенгни тенглиги джашай барсанг билинир.
- Къайтырыкъ эшигинги, къаты уруб чыкъма.
- Эли джокъну – кёлю джокъ.
- Бетинги сатма, малынгы сат.
- Аш берме да, къаш бер.
- Адам сёзюнден белгили.
- Ёгюзню мюйюзюнден тутадыла, адамны сёзюнден тутадыла.
- Тил – миллетни джаны.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72