- Нёгерсизни джолу узун.
- Тюз сёз баргъан сууну тыяр.
- Джарлы эскисин джамаса, къууаныр.
- Босагъагъа джууукъ орун болса, ашыгъыб тёрге озма.
- Биреуге аманлыкъны тилеме да, кесинге ашхылыкъны тиле.
- Эл элде бирер малынг болгъандан эсе, бирер тенгинг болсун.
- Аман хансны – урлугъу кёб.
- Кюн кёрмеген, кюн кёрсе, кюндюз чыракъ джандырыр.
- Миллетни бойну – базыкъ, аны бла кюрешген – джазыкъ.
- Уруну арты – къуру.
- Ашхы – джыяр, аман – джояр.
- Сёз къанатсыз учар.
- Кюл тюбюндеги от кёрюнмейди.
- Тюкюрюк баш джармаз, налат кёз чыгъармаз!
- Терек ауса, отунчу – кёб.
- Эл ауузу – элек, анга ийнаннган – халек.
- Башда акъыл болмаса, эки аякъгъа кюч джетер.
- Къарнынг ауруса, ауузунгу тый
- Ётюрюкню къуйругъу – бир тутум.
- Иесиз малны бёрю ашар.
- Бозанг болмагъан джерге, къалагъынгы сукъма.
- Чарсда алчыны эл кёреди.
- Экеулен сёлеше тура эселе, орталарына барыб кирме.
- Ойнаб айтсанг да, эслеб айт.
- Аш иеси бла татлыды.
- Тыш элде солтан болгъандан эсе, кесинги элде олтан болгъан игиди!
- Чабакъ башындан чирийди.
- Чабакъгъа акъыл, табагъа тюшсе келеди.
- Ётюрюкчюню шагъаты – къатында.
- Къонагъынгы артмагъын алма да, алгъышын ал.
- Таш бла ургъанны, аш бла ур.
- Къууут – джелге, берне – бошха.
- Эллинг бла джау болсанг да, юйюнг бла джау болма.
- Байлыкъ болгъан джерде, тынчлыкъ джокъду.
- Хунаны тюбюн къазсанг, юсюнге ауар.
- Билеги кючлю, бирни джыгъар, билими кючлю, мингни джыгъар.
- Таукел тауну аудурур.
- Айтхан сёзюне табылгъан.
- Тенги кёбню джау алмаз, акъылы кёбню дау алмаз.
- Эркиши – от, тиширыу – суу.
- Бир онгсуз адам адет чыгъарды, деб эштирик тюлсе.
- Таякъ этден ётер, тил сюекден ётер.
- Тынгылагъан тынгы бузар.
- Мал кёб болса, джууукъ кёб болур.
- Эр сокъур болсун, къатын тилсиз болсун.
- Бичгенде ашыкъма, тикгенде ашыкъ.
- Ана – юйню кюн джарыгъы.
- Таукел къуру къалмаз.
- Ашыкъгъан cуу, тенгизге джетмез.
- Таукелге нюр джауар.
Профиль
|
|
|
|||