- Шайтан алдады, тюзлюк къаргъады.
- Кёзюнде тереги болгъан, чёбю болгъаннга кюле эди.
- Эски джаугъа ышанма.
- Кийим тукъум сордурур.
- Кёрмегеннге кебек – танг, битмегеннге сакъал – танг.
- Кийимни бир кюнню аясанг, минг кюннге джарар.
- Кёпюр салгъан кеси ётер, уру къазгъан кеси кетер.
- Тюкюрюк баш джармаз, налат кёз чыгъармаз!
- Эринчекге кюн узун.
- Ауругъаннга – кийик саулукъ, джетген къызгъа – чилле джаулукъ.
- Мал кёб болса, джууукъ кёб болур.
- Окъ къызбайны джокълайды.
- Аз сёлешген, къайгъысыз турур.
- Адамны адамлыгъы къыйынлыкъда айгъакъланады.
- Этни да ашады, бетни да ашады.
- Намысы болмагъанны, сыйы болмаз.
- Башда акъыл болмаса, эки аякъгъа кюч джетер.
- Халкъны юйю – туугъан джери.
- Ашхы атаны – джашы ашхы, ашхы ананы – къызы ашхы.
- Сёлеш деб шай берген, тохта деб, сом берген.
- Чакъырылмагъан къонакъ къачан кетерин сормаз.
- Аман къатын алгъан, арыр, иги къатын алгъан джарыр.
- Аз айтсам, кёб ангылагъыз.
- Таякъ этден ётер, тил сюекден ётер.
- Шекер бла туз – бир болмаз, ушамагъан – юй болмаз.
- Окъугъан озар, окъумагъан тозар.
- Тилде сюек болмаса да, сюек сындырыр.
- Бети къызарыучу адамны, джюреги харам болмаз.
- Мен да «сен», дейме, сен да «кесим», дейсе.
- Нафысынгы айтханын этме, намысынгы айтханын эт.
- Къонакъ аман болса, къонакъбай джунчур
- Адам туугъан джеринде, ит тойгъан джеринде.
- Суу кетер, таш къалыр.
- Этни бети бла шорпасы.
- Ишлегенде эринме, ишде чолакъ кёрюнме.
- Ана кёлю – балада, бала кёлю – талада.
- Джылкъыдан – ат чыгъар, тукъумдан – джаш чыгъар.
- Олтуруб кёрюнмей эди да, ёрге туруб кёрюне эди.
- Биреу къой излей, биреу той излей.
- Аман хансны – урлугъу кёб.
- Агъач халкъгъа алтынды, иссиликге салкъынды.
- Акъыл аздырмаз, билим тоздурмаз.
- Къарт болгъан джерде, берекет болур, сабий болгъан джерде, оюн болур.
- Тыш элде солтан болгъандан эсе, кесинги элде олтан болгъан игиди!
- Ана къолу ачытмаз.
- Байлыкъ келсе, акъыл кетер.
- Эте билген, этген этеди, эте билмеген, юретген этеди!
- Джюрекден джюрекге джол барды.
- Къарны аманнга къазан такъдырма, къолу аманнга от джакъдырма.
- Ётюрюк хапар аякъ тюбю бла джюрюйдю.
Профиль
|
|
|
|||