- Ариуну – ауруу кёб.
- Ариу сёз – джаннга азыкъ, аман сёз – башха къазыкъ.
- Къыз тиширыу кеси юйюнде да къонакъды.
- Тёрде – темир таякълы, къаяда – чыпчыкъ аякълы.
- Башда акъыл болмаса, эки аякъгъа кюч джетер.
- Ач къалгъандан, кеч къалгъан къолай.
- Мени джылытмагъан кюн, меннге тиймесин!
- Джюз элде джюз ёгюзюм болгъандан эсе, джюз джууугъум болсун.
- Къарнынг бла ёч алма.
- Сагъышы джокъ – джукъучу, акъылы джокъ – къаугъачы.
- Ата – баланы уясы.
- Татлы сёз – балдан татлы.
- Атлыны кёрсе, джаяуну буту талыр.
- Бир онгсуз адам адет чыгъарды, деб эштирик тюлсе.
- Билгенни къолу къарны джандырыр.
- Ач отунчуну ачыуу – бурнунда.
- Ишленмеген джаш – джюгенсиз ат, ишленмеген къыз – тузсуз хант.
- Алтыннга тот къонмаз.
- Джуртун къоругъан озар.
- Чомарт бергенин айтмаз.
- Айырылгъанланы айю ашар, бёлюннгенлени бёрю ашар.
- Эл элде бирер малынг болгъандан эсе, бирер тенгинг болсун.
- Юй кюйдю да, кюйюз чыкъды, ортасындан тюйюш чыкъды.
- Къонакъ хазыр болгъанлыкъгъа, къонакъбай хазыр тюлдю.
- Келлик заман – къартлыкъ келтирир, кетген заман – джашлыкъ ёлтюрюр.
- Чомартны къолу берекет.
- Джолунга кёре – джюрюшюнг, джагъанга кёре – юлюшюнг.
- Тешигини къатында, чычхан да батыр болур.
- Ишни аллы бла къууанма да, арты бла къууан.
- Узун джолну барсанг, бюгюн келирсе, къысха джолну барсанг, тамбла келирсе.
- Алим болгъандан эсе, адам болгъан къыйынды.
- Минг тенг да азды, бир джау да кёбдю.
- Тойгъа барсанг, тоюб бар, эски тонунгу къоюб бар.
- Ач да бол, токъ да бол – намысынга бек бол.
- Джашда акъыл джокъ, къартда къарыу джокъ.
- Билмезни кёзю кёрмез, этмезни къулагъы эшитмез.
- Башы джабылгъан челекге, кир тюшмез.
- Биреу къой излей, биреу той излей.
- Насыблы элин сюер, насыбсыз кесин сюер.
- Адам къаллай бир ишленмесе, аллай бир кесин уллу кёреди.
- Бастасын ашагъан, хантусун да ичер.
- Уллу сёлешме да, уллу къаб.
- Этек чакъмакълары баш джаргъан, сёлешген сёзлери таш джаргъан.
- Чакъырылмагъан къонакъ – орунсуз.
- Мухардан ач ычхынмаз.
- Джигер – джаннга къыйынлыкъ.
- Тас болгъан бычакъны сабы – алтын.
- Экеулен сёлеше тура эселе, орталарына барыб кирме.
- Окъугъан – асыу, окъумагъан – джарсыу.
- Ашатыргъа иш – ашхы, ишлетирге аш – ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72