- Юре билмеген ит, къонакъ келтирир.
- Къарны аманнга къазан такъдырма, къолу аманнга от джакъдырма.
- Аджаллыгъа окъсуз шкок атылыр.
- Адамны сыфатына къарама, сёзюне къара.
- Къарт бла баш аша, джаш бла аякъ аша.
- Ашыкъгъан cуу, тенгизге джетмез.
- Мен да «сен», дейме, сен да «кесим», дейсе.
- Башланнган иш битер, къымылдагъан тиш тюшер.
- Ашхы сёз таш тешер.
- Бети къызарыучу адамны, джюреги харам болмаз.
- Ауузу бла къуш тута айланады.
- Къарын къуру болса, джюрек уру болур.
- Ёмюрлюк шохлукъну джел элтмез.
- Ёксюзню тилеги къабыл болур.
- Ышармагъан – кюлмез, кюлмеген – къууанчны билмез.
- Къошда джокъгъа – юлюш джокъ.
- Эринчекге кюн узун.
- Бал чибинни ургъаны – ачы, балы – татлы.
- Тёгюлген тюгел джыйылмайды.
- Зарда марда джокъ.
- Тиширыусуз юй – отсуз от джагъа.
- Бал – татлы, балдан да бала – татлы.
- Къызбайны юйюне дери сюрсенг, батыр болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Тилчи бир сагъатха айлыкъ хата этер.
- Гитче джилтин уллу элни джандырыр.
- Адеб этмеген, адеб кёрмез.
- Рысхы джалгъанды: келген да этер, кетген да этер.
- Эшекни не къадар тюйсенг да, ат болмаз.
- Атлыны ашхысы, ат тизгининден билинир
- Къонагъы джокъну – шоху джокъ.
- Элиб деген, элге болушур.
- Тешигини къатында, чычхан да батыр болур.
- Джырчы джырчыгъа – къарнаш.
- Къууут – джелге, берне – бошха.
- Кёб къычыргъандан – къоркъма, тынч олтургъандан – къоркъ.
- Акъыл къартда, джашда тюйюлдю – башдады.
- Суугъа – таянма, джаугъа – ийнанма.
- Джаш болсун, къыз болсун, акъылы, саны тюз болсун.
- Джюрекге ариу – кёзге да ариу.
- Экеу тутушса, биреу джыгъылыр.
- Билеги кючлю, бирни джыгъар, билими кючлю, мингни джыгъар.
- Келлик заман – къартлыкъ келтирир, кетген заман – джашлыкъ ёлтюрюр.
- Джылар джаш, атасыны сакъалы бла ойнар.
- Айтхан – тынч, этген – къыйын.
- Тамырсыз терекге таянма – джыгъылырса.
- Уллу атлама – абынырса, уллу къабма – къарылырса.
- Сакъалы текени да бар, мыйыгъы киштикни да бар.
- Адеби болмагъан къыз – тузсуз хант.
- Акъыллы башны – тили къысха.
Профиль
|
|
|||