- Ойнай билмеген, оюн бузар.
- Джюрек кёзден алгъа кёрюр.
- Къатын къылыкъсыз, эр тынчлыкъсыз.
- Къартны бурнун сюрт да, оноугъа тут.
- Тойгъан антын унутур.
- Къарнынг къанлынга кийирир.
- Ёмюрлюк шохлукъну джел элтмез.
- Минг тенг да азды, бир джау да кёбдю.
- Аманны къуугъан, аманлыкъ табар.
- Ашха уста, юйюнде болсун
- Тай асырагъан, атха минер.
- Тилсиз миллет джокъ болур.
- Акъыл бла адеб эгизледиле.
- Кирсизни – саны таза, халалны – къаны таза.
- Бек ашыкъгъан меннге джетсин, дегенди аракъы.
- Джарлы тюеге минсе да, ит къабар.
- Джангыз торгъай джырламаз.
- Шекер бла туз – бир болмаз, ушамагъан – юй болмаз.
- Къайгъы тюбю – тенгиз.
- Айран ичген – къутулду, джугъусун джалагъан – тутулду.
- Тенгни тенглиги джашай барсанг билинир.
- Ишлемеген – тишлемез.
- Кесине гебен этелмеген, биреуге черен эте эди.
- Къарын къуру болса, джюрек уру болур.
- Къарнынг тойгъунчу аша да, белинг талгъынчы ишле.
- Хазыр ашха – терен къашыкъ.
- Ач уят къоймаз.
- Эки ойлашыб, бир сёлешген.
- Ач бёрюге мекям джокъ.
- Адамны бетине къарама, адетине къара.
- Тамбла алтындан бюгюн багъыр ашхы.
- Къууут – джелге, берне – бошха.
- Сагъыш – къартлыкъгъа сюйюмчю.
- Эркиши – от, тиширыу – суу.
- Танг атмайма десе да, кюн къоярыкъ тюйюлдю.
- Къонакъ аз олтурур, кёб сынар.
- Джыйырма къойну юч джыйырма эбзе кюте эди.
- Айран тёгюлсе, джугъусу къалыр.
- Тыш элде солтан болгъандан эсе, кесинги элде олтан болгъан игиди!
- Джогъун бар этген, барын бал этген.
- Ата Джуртун танымагъан, атасын да танымаз.
- Къошда джокъгъа – юлюш джокъ.
- Таукел адам тау тешер.
- Джумушакъ терекни къурт ашар.
- Кесинге джетмегенни, кёб сёлешме.
- Ач къалгъандан, кеч къалгъан къолай.
- Накъырданы арты керти болур.
- Шайтан алдады, тюзлюк къаргъады.
- Сёз сёзню айтдырыр.
- Ётюрюк хапар аякъ тюбю бла джюрюйдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72