- Башланнган иш битер, къымылдагъан тиш тюшер.
- Сабийни джумушха джибер да, ызындан бар.
- Байлыкъ келсе, акъыл кетер.
- Къалгъан ишге къар джауар.
- Мухардан ач ычхынмаз.
- Айран тёгюлсе, джугъусу къалыр.
- Джигер – джаннга къыйынлыкъ.
- Къартны бурнун сюрт да, оноугъа тут.
- Суу кетер, таш къалыр.
- Тау башында, тау болмаз, джангыз терек, бау болмаз.
- Джангыз торгъай джырламаз.
- Биреуню къыйынлыгъы бла кесинге джол ишлеме.
- Телиге от эт десенг, юйюнге от салыр.
- Къар – келтирди, суу – элтди.
- Чабакъ башындан чирийди.
- Тамчы таш тешер.
- Алтыда кюлмеген, алтмышда кюлмез.
- Чакъырылмагъан къонакъ къачан кетерин сормаз.
- Ишлегенден, къарагъан уста.
- Юйюнг бла джау болгъандан эсе, элинг бла джау бол.
- Таула не мийик болсала да, аууш табылыр.
- Биреуге аманлыкъны тилеме да, кесинге ашхылыкъны тиле.
- Къыз чыгъаргъан – къызыл къымжа.
- Кёбге таш атма.
- Ётюрюкчюню шагъаты – къатында.
- Кёлю джокъну – джолу джокъ.
- Къумурсхала джыйылсала, пилни да джыгъадыла.
- Ханы къызы буюгъа-буюгъа киштик болду.
- Тойгъандан сора, ашны сёкме.
- Уллу суу бла уллу ауруудан башынгы сакъла.
- Айран ичген – къутулду, джугъусун джалагъан – тутулду.
- Алтыннга тот къонмаз.
- Ишни ахырын ойламай, аллын башлама.
- Ишленмеклик адамлыкъды.
- Джангызны оту джарыкъ джанмаз!
- Джетген къыз джерли эшекни танымаз.
- Ашхылыкъ джерде джатмайды, аманлыкъ суугъа батмайды.
- Кёзю сокъурдан – къоркъма, кёлю сокъурдан – къоркъ.
- Чомарт бергенин айтмаз.
- Ёзденликни кёбю ётюрюк.
- Атлыны кёрсе, джаяуну буту талыр.
- Мен да «сен», дейме, сен да «кесим», дейсе.
- Къонагъы джокъну – шоху джокъ.
- Чомартны къолу берекет.
- Эм ашхы къайын ана мамукъ бла башынгы тешер.
- Ата – билек, ана – джюрек!
- Къазанчы аман болса, къазаны къайнамаз.
- Мал ёлсе, сюек къалыр, адам ёлсе, иши къалыр.
- Сёлеш деб шай берген, тохта деб, сом берген.
- Джылыгъа джылан илешир.
Профиль
|
|
|||