- Адам сёзюнден белгили.
- Кёрмегеннге кебек – танг, битмегеннге сакъал – танг.
- Ашхы адам – халкъ байлыгъы, ашхы джер – джашау байлыгъы.
- Чакъырылмагъан къонакъ къачан кетерин сормаз.
- Ойнай-ойнай кёз чыгъар.
- Къобан да къуру да къобханлай турмайды, адам да къуру да патчахлай турмайды.
- Эшекге миннген – биринчи айыб, андан джыгъылгъан – экинчи айыб.
- Сыфатында болмагъаны, суратында болмаз.
- Тил – миллетни джаны.
- Ёлген эшек бёрюден къоркъмайды.
- Ётюрюкню башын керти кесер.
- Телини эшигин, махтау джабар.
- Ашхы атаны – джашы ашхы, ашхы ананы – къызы ашхы.
- Ётюрюкчюню шагъаты – къатында.
- Джетген къыз джерли эшекни танымаз.
- Кёб къычыргъандан – къоркъма, тынч олтургъандан – къоркъ.
- Уллу айтханны этмеген – уллаймаз.
- Ариу сёз джыланны орнундан чыгъарыр.
- Къанны къан бла джуума, аманны аман бла къуума.
- Эки ойлашыб, бир сёлешген.
- Эл тойса, тоймагъан, эл къойса, къоймагъан.
- Тилчиден кери бол.
- Билген билмегенни юретген адетди.
- Суу да къайтады чыкъгъан джерине.
- Къарт болгъан джерде, берекет болур, сабий болгъан джерде, оюн болур.
- Ёпкелегенни ашы татлы болады.
- Билим насыб берир, билим джолну керир.
- Таукел тауну аудурур.
- Этек чакъмакълары баш джаргъан, сёлешген сёзлери таш джаргъан.
- Алтыннга тот къонмаз.
- Джарлы эскисин джамаса, къууаныр.
- Эл бла кёргенинг эрелей.
- Кёб джашагъан – кёб билир.
- Къоркъакъны кёзю экили кёрюр.
- Тил – кесген бычакъ, сёз – атылгъан окъ.
- Ашда уялгъан – мухар, ишде уялгъан – хомух.
- Ишни аллы бла къууанма да, арты бла къууан.
- Мен да «сен», дейме, сен да «кесим», дейсе.
- Мураты болгъанны джюрек тебюую башхады.
- Байны къызы баймакъ болса да, юйде къалмаз!
- Ариу сёз – джаннга азыкъ, аман сёз – башха къазыкъ.
- Джол бла сёзню къыйыры джокъ.
- Ана – юйню кюн джарыгъы.
- Ашына кёре табагъы, балына кёре къалагъы.
- Айран ичген – къутулду, джугъусун джалагъан – тутулду.
- Тешигини къатында, чычхан да батыр болур.
- Бастасын ашагъан, хантусун да ичер.
- Башланнган иш битер, къымылдагъан тиш тюшер.
- Адеб джокъда, намыс джокъ.
- От этилмеген джерден тютюн чыкъмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72