- Кёпюр салгъан кеси ётер, уру къазгъан кеси кетер.
- Къар – келтирди, суу – элтди.
- Ата – баланы уясы.
- Къонакъ аз олтурур, кёб сынар.
- Эркишиге тары кебек танг кёрюнюр.
- Юйлю уругъа ит чабмаз.
- Аманны тукъумуна къарама, игини тукъумун сорма.
- Иги – алгъыш этер, аман – къаргъыш этер.
- Тенги кёбню джау алмаз, акъылы кёбню дау алмаз.
- Сакъалы текени да бар, мыйыгъы киштикни да бар.
- Джырчы джырчыгъа – къарнаш.
- Босагъа таш юйге кирмей эди, тыбыр таш эшикге чыкъмай эди.
- Кюн кёрмеген, кюн кёрсе, кюндюз чыракъ джандырыр.
- Туз, гырджын аша, тюзлюк бла джаша.
- Айныгъанлы алты кюн, тогъайгъанлы тогъуз кюн.
- Окъумагъан сокъурду, сокъур ташха абыныр!
- Агъач – джерни чырайы, кийим – эрни чырайы.
- Орундукъ тюбюнде атылсам да, орта джиликме, де да айлан.
- Таукел адам тау тешер.
- Джогъун бар этген, барын бал этген.
- Биреуню эскиси биреуге джангы болмайды.
- Тыш элде солтан болгъандан эсе, кесинги элде олтан болгъан игиди!
- Сагъышы джокъ – джукъучу, акъылы джокъ – къаугъачы.
- Ата Джуртун танымагъан, атасын да танымаз.
- Тамбла алтындан бюгюн багъыр ашхы.
- Хар ишни да аллы къыйынды.
- Бичгенде ашыкъма, тикгенде ашыкъ.
- Тойгъандан сора, ашны сёкме.
- Элге къуллукъ этмеген, элге ие болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Эки къатын алгъан – эки ташны ортасына башын салгъан.
- Ауурну тюбю бла, дженгилни башы бла джюрюген.
- Джарашыу сюйген – джалынчакъ.
- Къая джолда джортма, ачыкъ сёзден къоркъма.
- Ёлюк кебинсиз къалмаз.
- Кирсизни – саны таза, халалны – къаны таза.
- Ач отунчуну ачыуу – бурнунда.
- Билими азны – ауузунда кирит.
- Уллу къашыкъ эрин джыртар.
- Ханы къызы буюгъа-буюгъа киштик болду.
- Телиге акъыл салгъандан эсе, ёлгеннге джан салырса.
- Къатыны харакетли болса, эри къымсыз болур.
- Джарлы эскисин джамаса, къууаныр.
- Къобан да къуру да къобханлай турмайды, адам да къуру да патчахлай турмайды.
- Ач да бол, токъ да бол – намысынга бек бол.
- Айырылмаз джууугъунга, унутмаз сёзню айтма.
- Тойгъа барсанг, тоюб бар, эски тонунгу къоюб бар.
- Джахил болса анасы, не билликди баласы?
- Телини эшигин, махтау джабар.
- Юй кюйдю да, кюйюз чыкъды, ортасындан тюйюш чыкъды.
Профиль
|
|
|||