- Чакъырылмай келген къонакъ сыйланмай кетер.
- Ашхы атаны – джашы ашхы, ашхы ананы – къызы ашхы.
- Эрине къаргъыш этген къатын, эрнин къабар.
- Айныгъанлы алты кюн, тогъайгъанлы тогъуз кюн.
- Джыгъылгъанны сырты джерден тоймаз.
- Джетген къыз джерли эшекни танымаз.
- Кёлсюзден сёзсюз тууар.
- Чомарт къонакъ юй иесин сыйлар.
- Чакъырылгъанны аты, чакъырылмагъанны багъасы болур.
- Ашаса, ашамаса да, бёрюню ауузу – къан.
- Окъугъан озар, окъумагъан тозар.
- Ким бла джюрюсенг, аны кёзю бла кёрюнюрсе.
- Бозаны арты дауур болур.
- Атлыны кёрсе, джаяуну буту талыр.
- Ойнай билмеген, уруб къачар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джеринден айырылгъан – джети джылар, джуртундан айырылгъан – ёлгюнчю джылар.
- Ауругъанны сау билмез, ач къарынны токъ билмез.
- Аллахха ийнаннган кишини, Аллах онгдурур ишин.
- Адамны аманы адамны бети бла ойнар.
- Келлик заман – къартлыкъ келтирир, кетген заман – джашлыкъ ёлтюрюр.
- Акъыллы айтыр эди, акъылсыз къоймайды.
- Окъуусуз билим – джокъ, билимсиз кюнюнг – джокъ.
- Сабийни джумушха джибер да, ызындан бар.
- Баланы адам этген анады.
- Аджашхан тёгерек айланыр.
- Ётюрюкню къуйругъу – бир тутум.
- Аллахдан тилесенг, кёб тиле.
- Ишни ахырын ойламай, аллын башлама.
- Бек ашыкъгъан меннге джетсин, дегенди аракъы.
- Шайтан алдады, тюзлюк къаргъады.
- Джарашыу сюйген – джалынчакъ.
- Мен да «сен», дейме, сен да «кесим», дейсе.
- Тамырсыз терекге таянма – джыгъылырса.
- Билим – акъылны чырагъы.
- Бети – къучакълар, джюреги – бычакълар.
- Аманны къуугъан, аманлыкъ табар.
- Тойну къарнашы – харс, джырны къарнашы – эжиу.
- Джарлыны тону джаз битер.
- Суу да къайтады чыкъгъан джерине.
- Агъач халкъгъа алтынды, иссиликге салкъынды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кийиминг бла танылма, адамлыкъ бла таныл.
- Тил бла келеди джыр да.
- Бюгюн дуния кибик, тамбла ахыратды.
- Шапа кёб болса, аш татымсыз болур.
- Аш берме да, къаш бер.
- Борчунг бар эсе, хурджунунга ойлаб узал.
- Ариу – кёзге, акъыл – джюрекге.
- Эринчекге кюн узун.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72