- Къошда джокъгъа – юлюш джокъ.
- Адебни адебсизден юрен.
- Кечеси – аяз, кюню – къыш, джарлы къаргъагъа бир аш тюш!
- Ауузу бла къуш тута айланады.
- Кёлсюзден сёзсюз тууар.
- Чыкълы кюнде чыкъмагъан, чыкъса къуру кирмеген.
- Айтылгъан сёз ызына къайтмаз.
- Къызны минг тилер, бир алыр.
- Акъыл неден да кючлюдю.
- Къыйынлы джети элни къайгъысын этер.
- Элде адам къалмаса, ит тахтагъа минер.
- Орну джокъну – сыйы джокъ.
- Бойнуму джети джерден кессенг да, мен ол ишни этеллик тюлме.
- Къозулугъунда тоймагъан, къойлугъунда тоймаз.
- Юй ишлеген балта эшикде къалыр.
- Эртде тургъан джылкъычыны эркек аты тай табар.
- Тил – кесген бычакъ, сёз – атылгъан окъ.
- Кёзню ачылгъаны – иги, ауузну джабылгъаны – иги.
- Аджашханны ызындагъы кёреди, джангылгъанны джанындагъы биледи.
- Ариу сёз – къылычдан джити.
- Уллу атлама – абынырса, уллу къабма – къарылырса.
- Аманнга игилик этсенг, юйюнге сау бармазса.
- Аз айтсам, кёб ангылагъыз.
- Джарлыны тону джаз битер.
- Хар сёзню орну барды.
- Айырылмаз джууугъунга, унутмаз сёзню айтма.
- Юйюнг бла джау болгъандан эсе, элинг бла джау бол.
- Ашха уста, юйюнде болсун
- Накъырданы арты керти болур.
- Къарнынг къанлынга кийирир.
- Айтылгъан буйрукъ, сёгюлмез
- Магъанасыз сёз – тауушсуз сыбызгъы.
- Эки къатын алгъан – эки ташны ортасына башын салгъан.
- Зар адам ашынгы ашар, кесинги сатар.
- Адамны аманы адамны бети бла ойнар.
- Джылыгъа джылан илешир.
- Малны кют, джерни тюрт.
- Акъыллы башны – тили къысха.
- Айраннга суу къош, телиге джол бош.
- Алим болгъандан эсе, адам болгъан къыйынды.
- Адеб этмеген, адеб кёрмез.
- Адамны бетине къарама, адетине къара.
- Дууулдаса – бал чибин, къонса – къара чибин.
- Мухарны эси – ашарыкъда.
- Ышармагъан – кюлмез, кюлмеген – къууанчны билмез.
- Келинин тута билмеген, къул этер, къызын тута билмеген, тул этер.
- Къазанны башы ачыкъ болса, итге уят керекди.
- Ханы къызы буюгъа-буюгъа киштик болду.
- Ач да бол, токъ да бол – намысынга бек бол.
- Ишге юренсин къоллары, халкъ бла болсун джоллары.
Профиль
|
|
|||