- Билим ат болуб да чабар, къуш болуб да учар.
- Алгъанда – джууукъ, бергенде – джау.
- Тешигини къатында, чычхан да батыр болур.
- Билим насыб берир, билим джолну керир.
- Айныгъанлы алты кюн, тогъайгъанлы тогъуз кюн.
- Элни кючю – эмеген.
- Ёксюзню тилеги къабыл болур.
- Тёгюлген тюгел джыйылмайды.
- Таш бла ургъанны, аш бла ур.
- Бал ашаргъа сюе эсенг, чибин ургъаннга тёз.
- Суу кетер, таш къалыр.
- Ата Джуртуму башы болмасам да, босагъасында ташы болайым.
- Эри аманны, къатыны – аман.
- Кёл – къызбай, къол – батыр.
- Ёлген ийнек сютлю болур.
- Тыш элде солтан болгъандан эсе, кесинги элде олтан болгъан игиди!
- Аллахдан тилесенг, кёб тиле.
- Акъдан къара болмаз.
- Джырына кёре эжиую.
- Накъырданы арты керти болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Алма терегинден кери кетмез.
- Джаш къарыу бла кючлю, къарт акъыл бла кючлю.
- Къайтырыкъ эшигинги, къаты уруб чыкъма.
- Айранын берсенг, челегин да къызгъанма.
- Сабий кёргенин унутмаз.
- Окъугъанны бети джарыкъ.
- Бетинги сатма, малынгы сат.
- Ойнаб айтсанг да, эслеб айт.
- Чыкълы кюнде чыкъмагъан, чыкъса къуру кирмеген.
- Джюрекге ариу – кёзге да ариу.
- Биреуню эскиси биреуге джангы болмайды.
- Кёзю сокъурдан – къоркъма, кёлю сокъурдан – къоркъ.
- Джолунга кёре – джюрюшюнг, джагъанга кёре – юлюшюнг.
- Ишни аллы бла къууанма да, арты бла къууан.
- Ётюрюкден тюбю джокъ, кёлтюрюрге джиби джокъ.
- Эркишини аманы тиширыуну джылатыр.
- Тай асырагъан, атха минер.
- Келинин тута билмеген, къул этер, къызын тута билмеген, тул этер.
- Керти сёзге тёре джокъ.
- Тёзгеннге, джабылгъан эшик ачылыр.
- Хоншуну тауугъу къаз кёрюнюр, келини къыз кёрюнюр.
- Хунаны тюбюн къазсанг, юсюнге ауар.
- Ашын ашагъанынгы, башын да сыйла.
- Тау башында, тау болмаз, джангыз терек, бау болмаз.
- Ариу – кёзге, акъыл – джюрекге.
- Иги адамны бир сёзю эки болмаз.
- Эте билген, этген этеди, эте билмеген, юретген этеди!
- Джюз элде джюз ёгюзюм болгъандан эсе, джюз джууугъум болсун.
- Билими азны – ауузунда кирит.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72