- Адеб базарда сатылмаз.
- Рысхы – сют юсюнде кёмюк кибикди.
- Джылкъыдан – ат чыгъар, тукъумдан – джаш чыгъар.
- Босагъа таш юйге кирмей эди, тыбыр таш эшикге чыкъмай эди.
- Кёзню ачылгъаны – иги, ауузну джабылгъаны – иги.
- Окъугъан озар, окъумагъан тозар.
- Джашынгы кесинг юретмесенг, джашау юретир.
- Терек ауса, отунчу – кёб.
- Кечеси – аяз, кюню – къыш, джарлы къаргъагъа бир аш тюш!
- Ауругъан – джашаудан умутчу.
- Эркиши – от, тиширыу – суу.
- Джаш болсун, къыз болсун, акъылы, саны тюз болсун.
- Тойгъа алгъа да барма, тойда артха да къалма.
- Бойнуму джети джерден кессенг да, мен ол ишни этеллик тюлме.
- Асхат ашлыкъ сата, юйдегиси ачдан къата.
- Аман хансны – урлугъу кёб.
- Ашхылыкъ джерде джатмайды, аманлыкъ суугъа батмайды.
- Ёмюрлюк шохлукъну джел элтмез.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Суугъа – таянма, джаугъа – ийнанма.
- Аманны тукъумуна къарама, игини тукъумун сорма.
- Иги адамны бир сёзю эки болмаз.
- Босагъагъа джууукъ орун болса, ашыгъыб тёрге озма.
- Шекер бла туз – бир болмаз, ушамагъан – юй болмаз.
- Айырылмаз джууугъунга, унутмаз сёзню айтма.
- Абынмазлыкъ аякъ джокъ, джангылмазлыкъ джаякъ джокъ.
- Къолу уллу – асыу, аягъы уллу – джарсыу.
- Эки итни арасына сюек атма, эки адамны арасында сёз чыгъарма.
- Ариу сёзде ауруу джокъ.
- Кёбге таш атма.
- Эм уллу байлыкъ – джан саулукъ.
- Экиндини кеч къылсанг, чабыб джетер ашхам.
- Ата – баланы уясы.
- Къулакъдан эсе, кёзге ышан.
- Бети – къучакълар, джюреги – бычакълар.
- Ашыкъгъанны этеги бутуна чырмалыр.
- Таукелге нюр джауар.
- Эл тойса, тоймагъан, эл къойса, къоймагъан.
- Уллу сёлешме да, уллу къаб.
- Къатын къылыкъсыз, эр тынчлыкъсыз.
- Бозаны арты дауур болур.
- Байлыкъ адамны сокъур этер.
- Къонакъ аман болса, къонакъбай джунчур
- Аманны къуугъан, аманлыкъ табар.
- Окъ къызбайны джокълайды.
- Ёлген аслан – сау чычхан.
- Акъыллы айтыр эди, акъылсыз къоймайды.
- «Ёгюз, джаргъа джууукъ барма, меннге джюк боллукъса», - дегенди эшек.
- Адамгъа аман кюн соруб келмейди.
- Садакъачыны джаны – къапчыгъында.
Профиль
|
|
|||