- Байдан умут эте, джарлыдан ёгюз багъасы къорады.
- Тау башында, тау болмаз, джангыз терек, бау болмаз.
- Намысы джокъну – дуниясы джокъ.
- Адамны аты башхача, акъылы да башхады.
- Джарлы эскисин джамаса, къууаныр.
- Айырылмаз джууугъунга, унутмаз сёзню айтма.
- Бети – къучакълар, джюреги – бычакълар.
- Зар адамны насыбы болмаз.
- Ариу сёзде ауруу джокъ.
- Ёлюр джаннга, ёкюл джокъ.
- Бастасын ашагъан, хантусун да ичер.
- Тамырсыз терекге таянма – джыгъылырса.
- Этим кетсе да, сюегим къалыр.
- Кюл тюбюндеги от кёрюнмейди.
- Джыйырма къойну юч джыйырма эбзе кюте эди.
- Къарнынг бла ёч алма.
- Джумушакъ сёз къаты таякъны сындырыр.
- Магъанасыз сёз – тауушсуз сыбызгъы.
- Къалгъан ишге къар джауар.
- Ат да турмайды бир териде.
- Ашхы – джыяр, аман – джояр.
- Намыс сатылыб алынмайды.
- Кёбге таш атма.
- Нёгер болсанг, тенг бол, тенг болмасанг, кенг бол.
- Тешигини къатында, чычхан да батыр болур.
- Аман адам этегингден тутса, кес да къач.
- Таукел къуру къалмаз.
- Ашхы тенг джолгъа салыр, аман тенг джолдан тайдырыр.
- Къыйынлы джети элни къайгъысын этер.
- Ётюрюкден тюбю джокъ, кёлтюрюрге джиби джокъ.
- Нёгерсизни джолу узун.
- Ёгюзню мюйюзюнден тутадыла, адамны сёзюнден тутадыла.
- Иги сеники эсе да, сюйген кесимикин этеме.
- Абынмазлыкъ аякъ джокъ, джангылмазлыкъ джаякъ джокъ.
- Бал чибинни ургъаны – ачы, балы – татлы.
- Къайтырыкъ эшигинги, къаты уруб чыкъма.
- Къанны къан бла джуума, аманны аман бла къуума.
- Тойгъа барсанг, тоюб бар, эски тонунгу къоюб бар.
- Суугъа – чабакъ, къаягъа – ыргъакъ.
- Мухар, кеси тойса да, кёзю тоймаз.
- Ойнай билмеген, уруб къачар.
- Хата – гитчеден.
- Минг тенг да азды, бир джау да кёбдю.
- Тойгъан джерге джети къайт.
- Ишин билген, аны сыйын чыгъарады.
- Бойнуму джети джерден кессенг да, мен ол ишни этеллик тюлме.
- Гугук кесини атын айтыб къычыргъанча, мен, мен деб нек тураса?
- Билмегенинги, билгеннге сор.
- Джан саулукъ бермей, сан саулукъ бермезсе.
- Ким бла джюрюсенг, аны кёзю бла кёрюнюрсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72