- Чомарт къолда мал къалмаз.
- Юйлю уругъа ит чабмаз.
- Алгъанда – джууукъ, бергенде – джау.
- Эл ауузу – элия.
- Адеби болмагъан къыз – тузсуз хант.
- Джукъу тёшек сайламайды.
- Агъач халкъгъа алтынды, иссиликге салкъынды.
- Ишни ахырын ойламай, аллын башлама.
- Биреуге аманлыкъны тилеме да, кесинге ашхылыкъны тиле.
- Къарт бла баш аша, джаш бла аякъ аша.
- Биреуню тёрюнден, кесинги эшик артынг игиди.
- Акъыл аздырмаз, билим тоздурмаз.
- Ишленмеклик адамлыкъды.
- Ат да турмайды бир териде.
- Бюгюн дуния кибик, тамбла ахыратды.
- Башда акъыл болмаса, эки аякъгъа кюч джетер.
- Ойнаб айтсанг да, эслеб айт.
- Джашны джигитлиги сорулур, къызны джигерлиги сорулур.
- Байны къызы баймакъ болса да, юйде къалмаз!
- Ёлюр джаннга, ёкюл джокъ.
- Къумурсхала джыйылсала, пилни да джыгъадыла.
- Джолунга кёре – джюрюшюнг, джагъанга кёре – юлюшюнг.
- Аманны эки битли тону болур, бирин сеннге кийдирир, бирин кеси киер.
- Къарны аманнга къазан такъдырма, къолу аманнга от джакъдырма.
- Дуния малгъа сатылма, кесингден телиге къатылма.
- Кийим тукъум сордурур.
- Ёксюзню къалачы уллу кёрюнюр.
- Къыйынлы джети элге оноу этер.
- Тенгинг джокъ эсе – изле, бар эсе – сакъла!
- Суугъа – таянма, джаугъа – ийнанма.
- Урунуу – насыбны анасы.
- Эл элде бирер малынг болгъандан эсе, бирер тенгинг болсун.
- Тели турса – той бузар.
- Къартны бурнун сюрт да, оноугъа тут.
- Джуртун къоругъан озар.
- Нарт сёз къарт болмаз.
- Тау башында, тау болмаз, джангыз терек, бау болмаз.
- Аууз сакълагъан – джан сакълар.
- Биреуге кёлтюрген таягъынг, кесинги башынга урур.
- Аджалсыз ёлюм болмаз.
- Къарнынг къанлынга кийирир.
- Кёз – сюйген джерде, къол – ауругъан джерде.
- Тёрени джагъы джокъ.
- Зар адамны насыбы болмаз.
- Келинни – келгинчи, бёркню кийгинчи кёр.
- Къатыны харакетли болса, эри къымсыз болур.
- Ушамагъан – джукъмаз.
- Элиб деген, элге болушур.
- Кёзю сокъурдан – къоркъма, кёлю сокъурдан – къоркъ.
- Иги адамны бир сёзю эки болмаз.
Профиль
|
|
|||