- Экиндини кеч къылсанг, чабыб джетер ашхам.
- Джангыз терек къынгыр ёсер.
- Кирсизни – саны таза, халалны – къаны таза.
- Ургъан суудан башынгы сакъла.
- Кюлме джашха – келир башха.
- Эл бла кёргенинг эрелей.
- Байлыкъ келсе, акъыл кетер.
- Арба аугъандан сора, джол кёргюзтюучю кёб болур.
- Ачылгъан эт джабылыр, кёрген кёз унутмаз.
- Суугъа – чабакъ, къаягъа – ыргъакъ.
- Къолунгдан къуймакъ ашатсанг да, атаны борчундан къутулмазса.
- Магъанасыз сёз – тауушсуз сыбызгъы.
- Джыйырма къойну юч джыйырма эбзе кюте эди.
- Телиге от эт десенг, юйюнге от салыр.
- Эки элинги тыйсанг, джети элде махталырса.
- Шайтан алдады, тюзлюк къаргъады.
- Эр сокъур болсун, къатын тилсиз болсун.
- Ёпкелегенни ашы татлы болады.
- Ана къойну – балагъа джандет.
- Атадан ёксюз – бир ёксюз, анадан ёксюз – эки ёксюз.
- Тилчи бир сагъатха айлыкъ хата этер.
- Кёбден умут этиб, аздан къуру къалма.
- Эки ойлашыб, бир сёлешген.
- Ёлюр джаннга, ёкюл джокъ.
- Дженгил джетерикме деб, узун джолну къоюб, къысхасын барма.
- Алгъанда – джууукъ, бергенде – джау.
- Ата джурт – алтын бешик.
- Билим – акъылны чырагъы.
- Тойгъа алгъа да барма, тойда артха да къалма.
- Джерни букъусу кёкге къонмаз.
- Азыгъы аз, алгъа къабар, аты аман, алгъа чабар.
- Ауругъаннга – кийик саулукъ, джетген къызгъа – чилле джаулукъ.
- Тюз сёз баргъан сууну тыяр.
- Ойнай билмеген, оюн бузар.
- Таула не мийик болсала да, аууш табылыр.
- Нарт сёз – тилни бети.
- Джумушакъ сёз къаты таякъны сындырыр.
- Ёлген эшек бёрюден къоркъмайды.
- Мал тутхан – май джалар.
- Иши джокъну, сыйы джокъ.
- Термилгенинги табмазса, кюлгенинге тюберсе.
- Билмегенинги, билгеннге сор.
- Ичимден чыкъды хата, къайры барайым сата?
- Суу ичген шауданынга тюкюрме.
- Эшекни не къадар тюйсенг да, ат болмаз.
- Джыгъылгъанны сырты джерден тоймаз.
- Иги адам абынса да, джангылмаз.
- Мал ёлсе, сюек къалыр, адам ёлсе, иши къалыр.
- Бек ашыкъгъан меннге джетсин, дегенди аракъы.
- Къоркъакъны кёзю экили кёрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72