- Эллинг бла джау болсанг да, юйюнг бла джау болма.
- Ётюрюкден тюбю джокъ, кёлтюрюрге джиби джокъ.
- Чомартны къолун джокълукъ байлар.
- Къозулугъунда тоймагъан, къойлугъунда тоймаз.
- Этек чакъмакълары баш джаргъан, сёлешген сёзлери таш джаргъан.
- Кёб джат да, бек чаб.
- Ач къарным, тынч къулагъым.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къуру гыбыт бек дыгъырдар.
- Джарлыны тону джаз битер.
- Атадан ёксюз – бир ёксюз, анадан ёксюз – эки ёксюз.
- Ётген ёмюр – акъгъан суу.
- Эте билген, этген этеди, эте билмеген, юретген этеди!
- Махтаннган къыз, тойда джукълар.
- Къыйынлы джети элге оноу этер.
- Ишин билген, аны сыйын чыгъарады.
- Чабакъгъа акъыл, табагъа тюшсе келеди.
- Ашда – бёрю, ишде – ёлю.
- Эки къатын алгъанны къулагъы тынгнгаймаз.
- Бозанг болмагъан джерге, къалагъынгы сукъма.
- Келгинчи, къонакъ уялыр, келгенден сора, къонакъбай уялыр.
- Тамчы таш тешер.
- Айран тёгюлсе, джугъусу къалыр.
- Тенгинг джокъ эсе – изле, бар эсе – сакъла!
- Итли къонакъ джарашмаз.
- Суугъа – таянма, джаугъа – ийнанма.
- Зарда марда джокъ.
- Ашхы адам – халкъ байлыгъы, ашхы джер – джашау байлыгъы.
- Эм ашхы къайын ана мамукъ бла башынгы тешер.
- Къызбайны юйюне дери сюрсенг, батыр болур.
- Адебни адебсизден юрен.
- Азыкъ аз болса, эртде орун сал.
- Акъыллы эркиши атын махтар, акъылсыз эркиши къатынын махтар.
- Ишлерге уял да, ашаргъа табма.
- Гугурук къычырмаса да, тангны атары къалмаз.
- Ойнай билмеген, уруб къачар.
- Бети къызарыучу адамны, джюреги харам болмаз.
- Ашлыкъ – бюртюкден, джюн – тюкден.
- Джаш болсун, къыз болсун, акъылы, саны тюз болсун.
- Къан бла кирген, джан бла чыгъар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таякъ этден ётер, тил сюекден ётер.
- Халкъгъа джарагъан, джарлы къалмаз.
- Джол бла сёзню къыйыры джокъ.
- Иги болса, тамадама – махтау, аман болса, меннге – айыб.
- Башы ишлегенни, ауузу да ишлер.
- Ёзденликни джайгъан – джокълукъ.
- Ургъан суудан башынгы сакъла.
- Къартны сыйын кёрмеген, къартлыгъында сыйлы болмаз.
- Алтыда кюлмеген, алтмышда кюлмез.
Профиль
|
Гошаях бийче
 Эльбрусоид
Cообщений: 261
Баллов: 208
Регистрация: 21.12.2011
Последний визит: 24.07.2020 17:17:36
|
|
||||||||||
|
|
|
||||||||||