- Аман къатын алгъан, арыр, иги къатын алгъан джарыр.
- Тил – кесген бычакъ, сёз – атылгъан окъ.
- Башланнган иш битер, къымылдагъан тиш тюшер.
- Шайтан алдады, тюзлюк къаргъады.
- Тыш элде солтан болгъандан эсе, кесинги элде олтан болгъан игиди!
- Ётюрюкню къуйругъу – бир тутум.
- Алма терегинден кери кетмез.
- Ач отунчуну ачыуу – бурнунда.
- Узун джолну барсанг, бюгюн келирсе, къысха джолну барсанг, тамбла келирсе.
- Кюн кёрмеген, кюн кёрсе, кюндюз чыракъ джандырыр.
- Джумушакъ терекни къурт ашар.
- Айныгъанлы алты кюн, тогъайгъанлы тогъуз кюн.
- Тилчи бир сагъатха айлыкъ хата этер.
- Ауузу бла къуш тута айланады.
- Кирсизни – саны таза, халалны – къаны таза.
- Баргъанынга кёре болур келгенинг.
- Аман хансны – урлугъу кёб.
- Эл тойса, тоймагъан, эл къойса, къоймагъан.
- Къумурсхала джыйылсала, пилни да джыгъадыла.
- Акъыллы – эл иеси, тели – эл баласы.
- Къарт айтханны этмеген, къартаймаз.
- Ариу сёз – джаннга азыкъ, аман сёз – башха къазыкъ.
- Байма, деб да, къууанма, джарлыма, деб да, джылама.
- Билгенни къолу къарны джандырыр.
- Алтыда кюлмеген, алтмышда кюлмез.
- Уллу къазанда бишген эт, чий къалмаз.
- Агъач халкъгъа алтынды, иссиликге салкъынды.
- Джукъу тёшек сайламайды.
- Ашыкъгъанны этеги бутуна чырмалыр.
- Уллу сёзде уят джокъ.
- Тил джюрекге джол ишлейди.
- Керек ташны ауурлугъу джокъ.
- Джаш къарыу бла кючлю, къарт акъыл бла кючлю.
- Ачны эсинде – аш.
- Айтханы чапыракъдан ётмеген.
- Ишге юренсин къоллары, халкъ бла болсун джоллары.
- Джюрек кёзден алгъа кёрюр.
- Ата Джуртуму башы болмасам да, босагъасында ташы болайым.
- Чакъырылмагъан къонакъ къачан кетерин сормаз.
- Ойнай-ойнай кёз чыгъар.
- Тойгъан джерге джети къайт.
- Бойнуму джети джерден кессенг да, мен ол ишни этеллик тюлме.
- Термилгенинги табмазса, кюлгенинге тюберсе.
- Акъыл къартда, джашда тюйюлдю – башдады.
- Джиби бир къат джетмей эди да, эки къат тарта эди.
- Хар ишни да аллы къыйынды.
- Ёксюзню къалачы уллу кёрюнюр.
- Тау башында, тау болмаз, джангыз терек, бау болмаз.
- Къарны аманнга къазан такъдырма, къолу аманнга от джакъдырма.
- Хансыз джомакъ болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72