- Намыс сатылыб алынмайды.
- Ариу сёз – джаннга азыкъ, аман сёз – башха къазыкъ.
- Акъыл неден да кючлюдю.
- Айыбны суу бла джууалмазса.
- Сабий кёргенин унутмаз.
- Акъдан къара болмаз.
- Суугъа – таянма, джаугъа – ийнанма.
- Аман адамны тепсинге олтуртсанг, къызынгы тилер.
- Ким бла джюрюсенг, аны кёзю бла кёрюнюрсе.
- Адебни адебсизден юрен.
- Атадан ёксюз – бир ёксюз, анадан ёксюз – эки ёксюз.
- Ашхы – джыяр, аман – джояр.
- Окъдан джара эртде-кеч болса да бителир, сёз джара, ёмюрге къалыр.
- Джерни букъусу кёкге къонмаз.
- Телини эшигин, махтау джабар.
- Тёрде – темир таякълы, къаяда – чыпчыкъ аякълы.
- Абынмазлыкъ аякъ джокъ, джангылмазлыкъ джаякъ джокъ.
- Нарт сёз къарт болмаз.
- Акъылсызны джууукъгъа алма, акъыллыны кенгнге салма.
- Тин – байлыгъынг, терен саулугъунг.
- Айран ичген – къутулду, джугъусун джалагъан – тутулду.
- Уллу къашыкъ эрин джыртар.
- Ойнай-ойнай кёз чыгъар.
- Бек анасы джыламаз.
- Чомартха Тейри да борчлуду.
- Кёбню кёрген – кёб билир.
- Малны кют, джерни тюрт.
- Байны оноуу, джарлыгъа джарамаз.
- Кесине оноу эте билмеген, халкъына да эте билмез.
- Тилчи бир сагъатха айлыкъ хата этер.
- Чакъырылмагъан къонакъ тёрге атламаз.
- Эрине къаргъыш этген къатын, эрнин къабар.
- Тенгни тенглиги джашай барсанг билинир.
- Билимден уллу байлыкъ джокъду.
- Адеб базарда сатылмаз.
- Ёксюзню къалачы уллу кёрюнюр.
- Бал – татлы, балдан да бала – татлы.
- Гырджын – тепсини тамадасы.
- Этни да ашады, бетни да ашады.
- Ёлюк кебинсиз къалмаз.
- Байны къызы баймакъ болса да, юйде къалмаз!
- Иги адамны бир сёзю эки болмаз.
- Ашыкъгъанны этеги бутуна чырмалыр.
- Джашлыкъ этмеген, башлыкъ этмез.
- Нёгер болсанг, тенг бол, тенг болмасанг, кенг бол.
- Ашлыкъ – бюртюкден, джюн – тюкден.
- Аман эсирсе, юйюн ояр.
- Аджалсыз ёлюм болмаз.
- Акъыллы – эл иеси, тели – эл баласы.
- Адамгъа аман кюн соруб келмейди.
Профиль
|
|
|||