Эльбрусоид :: Форум :: Архив форумов

Чыкълы кюнде чыкъмагъан, чыкъса къуру кирмеген.
Ашатыргъа иш – ашхы, ишлетирге аш – ашхы.
Билген билмегенни юретген адетди.
Юйлю уругъа ит чабмаз.
Ач къалгъандан, кеч къалгъан къолай.
Джылкъыдан – ат чыгъар, тукъумдан – джаш чыгъар.
Эки къатын алгъан – эки ташны ортасына башын салгъан.
Кенгеш болса, уруш болмаз.
Акъыллы айтыр эди, акъылсыз къоймайды.
Ауузу аманнга «иги», деме.
Къыз тиширыу кеси юйюнде да къонакъды.
Аз сёлеш, кёб ишле.
Кимни – тили, тиши онглу, кимни – къолу, иши онглу.
Ауругъаннга – кийик саулукъ, джетген къызгъа – чилле джаулукъ.
Таш бла ургъанны, аш бла ур.
Акъыл неден да кючлюдю.
Аджалсыз ёлюм болмаз.
Джыйырма къойну юч джыйырма эбзе кюте эди.
Къан бла кирген, джан бла чыгъар.
Халкъны джырын джырласанг, халкъ санга эжиу этер.
Джаш болсун, къыз болсун, акъылы, саны тюз болсун.
Къартны сыйын кёрмеген, къартлыгъында сыйлы болмаз.
Ана къолу ачытмаз.
Джангызны оту джарыкъ джанмаз!
Урунуу – насыбны анасы.
Къалгъан ишге къар джауар.
Намысы болмагъанны, сыйы болмаз.
Айтхан сёзюне табылгъан.
Къыйынлы джети элни къайгъысын этер.
Азыгъы аз, алгъа къабар, аты аман, алгъа чабар.
Дуния мал дунияда къалады.
Кюн – узун, ёмюр – къысха.
Ачыкъ джюрекге джол – ачыкъ.
Хансыз джомакъ болмаз.
Кюн кёрмеген, кюн кёрсе, кюндюз чыракъ джандырыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Дженгил джетерикме деб, узун джолну къоюб, къысхасын барма.
Керилген да, ургъан кибикди.
Аманнга да, игиге да оноусуз къатышма.
Къонакъ хазыр болгъанлыкъгъа, къонакъбай хазыр тюлдю.
Эл элде бирер малынг болгъандан эсе, бирер тенгинг болсун.
Ариу сёз аурууунгу алыр.
Экеу тутушса, биреу джыгъылыр.
Игини сыйлагъан адетди.
Туз, гырджын аша, тюзлюк бла джаша.
Адам къыйынлыгъын кёлтюрюр, зауукълугъун кёлтюрмез.
Суугъа – чабакъ, къаягъа – ыргъакъ.
Къазанда болса, чолпугъа чыгъар.
Ариуну – ауруу кёб.
Зар адамны насыбы болмаз.

Логин:
Пароль:
	Запомнить меня на этом компьютере

Забыли свой пароль?
Регистрация