- Орундукъ тюбюнде атылсам да, орта джиликме, де да айлан.
- Тулпарлыкъ, билекден тюл – джюрекден.
- Эл ауузу – элия.
- Кёб джашагъан – кёб билир.
- Агъач халкъгъа алтынды, иссиликге салкъынды.
- Къыйынлы джети элге оноу этер.
- Ёнгкюч къууана барыр, джылай келир.
- Чакъырылгъанны аты, чакъырылмагъанны багъасы болур.
- Айран ичген – къутулду, джугъусун джалагъан – тутулду.
- Ашхылыкъ джерде джатмайды, аманлыкъ суугъа батмайды.
- Аз сёлеш, кёб ишле.
- Сыфатында болмагъаны, суратында болмаз.
- Ётюрюкню къуйругъу – бир тутум.
- Окъугъан озар, окъумагъан тозар.
- Ат басханны джер билед.
- Магъанасыз сёз – тауушсуз сыбызгъы.
- Тёрде – темир таякълы, къаяда – чыпчыкъ аякълы.
- Акъыл сабырлыкъ берир.
- Насыб бютеу халкъны юлюшюдю.
- Башы ишлегенни, ауузу да ишлер.
- Юй кюйдю да, кюйюз чыкъды, ортасындан тюйюш чыкъды.
- Байма, деб да, къууанма, джарлыма, деб да, джылама.
- Ашаса, ашамаса да, бёрюню ауузу – къан.
- Ёгюзню мюйюзюнден тутадыла, адамны сёзюнден тутадыла.
- Къулакъдан эсе, кёзге ышан.
- Джаханимни кёрмей, джандетге кёл салмазса.
- Биреу ашаб къутулур, биреу джалаб тутулур.
- Кесине гебен этелмеген, биреуге черен эте эди.
- Билмейме деген – бир сёз
- Аманны тукъумуна къарама, игини тукъумун сорма.
- Гырджын – тепсини тамадасы.
- Ёксюзню тилеги къабыл болур.
- Къонакъ кёб келюучю юйню, къазаны отдан тюшмез.
- Ач, тоймам, дейди, тойгъан, ач болмам, дейди.
- Ата Джуртуму башы болмасам да, босагъасында ташы болайым.
- Ашын ашагъанынгы, башын да сыйла.
- Кёлсюзден сёзсюз тууар.
- Сютню башын джалагъан къутулур, тюбюн ичген тутулур.
- Минг тенг да азды, бир джау да кёбдю.
- Хар ишни да аллы къыйынды.
- Къызны минг тилер, бир алыр.
- Эки къатын алгъан – эки ташны ортасына башын салгъан.
- Ёлген эшек бёрюден къоркъмайды.
- Джаш болсун, къыз болсун, акъылы, саны тюз болсун.
- Дуния малгъа сатылма, кесингден телиге къатылма.
- Тил – миллетни джаны.
- Къарын къуру болса, джюрек уру болур.
- Сабий кёргенин унутмаз.
- Таукел адам тау тешер.
- Чомартны къолун джокълукъ байлар.
Профиль
|
|
|
|||