- Экеу тутушса, биреу джыгъылыр.
- Акъыл аздырмаз, билим тоздурмаз.
- Къайтырыкъ эшигинги, къаты уруб чыкъма.
- Чакъырылмагъан къонакъ – орунсуз.
- Тёрде – темир таякълы, къаяда – чыпчыкъ аякълы.
- Бети – къучакълар, джюреги – бычакълар.
- Кёл – къызбай, къол – батыр.
- Ана кёлю – балада, бала кёлю – талада.
- Билген билмегенни юретген адетди.
- Башы ишлегенни, ауузу да ишлер.
- Эринчекни эр алмаз, эр алса да, кёл салмаз, кёл салса да, кёб бармаз!
- Чакъырылмагъан къонакъ тёрге атламаз.
- Махтаннган къыз, тойда джукълар.
- Къызны минг тилер, бир алыр.
- Бети бедерден, намыс сакълама.
- Келинни – келгинчи, бёркню кийгинчи кёр.
- Кёлсюзден сёзсюз тууар.
- Кюн кёрмеген, кюн кёрсе, кюндюз чыракъ джандырыр.
- Тенгинг джокъ эсе – изле, бар эсе – сакъла!
- Эр сокъур болсун, къатын тилсиз болсун.
- Аман адам этегингден тутса, кес да къач.
- Сёз сёзню айтдырыр.
- Ат да турмайды бир териде.
- Кёз – сюйген джерде, къол – ауругъан джерде.
- Тил джюрекге джол ишлейди.
- Ханы къызы буюгъа-буюгъа киштик болду.
- Кийиминг бла танылма, адамлыкъ бла таныл.
- Билим ат болуб да чабар, къуш болуб да учар.
- Чабар ат – джетген къыз.
- Гугук кесини атын айтыб къычыргъанча, мен, мен деб нек тураса?
- Кесине гебен этелмеген, биреуге черен эте эди.
- Сибиртки да сыйлы болду, кюрек да кюнлю болду.
- Кёзю сокъурдан – къоркъма, кёлю сокъурдан – къоркъ.
- Ишин билген, аны сыйын чыгъарады.
- Джырчы ёлсе, джыры къалыр.
- Ашыкъгъан cуу, тенгизге джетмез.
- Эл ауузу – элек, анга ийнаннган – халек.
- Ач бёрюге мекям джокъ.
- Ариу сёз – къылычдан джити.
- Халкъны юйю – туугъан джери.
- Эрине къаргъыш этген къатын, эрнин къабар.
- Ургъан суудан башынгы сакъла.
- Аллахха ийнаннган кишини, Аллах онгдурур ишин.
- Аман къатын алгъан, арыр, иги къатын алгъан джарыр.
- Уллу атлама – абынырса, уллу къабма – къарылырса.
- Къолу уллу – асыу, аягъы уллу – джарсыу.
- Къарнынг бла ёч алма.
- Накъырданы арты керти болур.
- Бети къызарыучу адамны, джюреги харам болмаз.
- Къызгъанчдан ычхыныр, мухардан ычхынмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72