- Тойну къарнашы – харс, джырны къарнашы – эжиу.
- Адам боллукъ, атламындан белгили болур.
- Ач да бол, токъ да бол – намысынга бек бол.
- Адамны джюреги нени кёрюрге сюйсе, кёзю да аны кёрюрге ёч болады.
- Джуртун къоругъан озар.
- Таукелге нюр джауар.
- Кёлю джокъну – джолу джокъ.
- «Ма», - дегенни билмесенг, «бер», - дегенни билмезсе.
- Тюз сёз баргъан сууну тыяр.
- Элни кючю – эмеген.
- Джарлы джети элни сёзюн этер.
- Айырылгъанланы айю ашар, бёлюннгенлени бёрю ашар.
- Таукел тауну аудурур.
- Чомартны къолун джокълукъ байлар.
- Ишленмеклик адамлыкъды.
- Къозулугъунда тоймагъан, къойлугъунда тоймаз.
- Бал – татлы, балдан да бала – татлы.
- Кёзюнде тереги болгъан, чёбю болгъаннга кюле эди.
- Орну джокъну – сыйы джокъ.
- Аурууну келиую тынч, кетиую – къыйын.
- Ауузу аманнга «иги», деме.
- Ойнай-ойнай кёз чыгъар.
- Таукел къуру къалмаз.
- Бёрю да ач къалмасын, эчки да ашалмасын.
- Ишлегенден, къарагъан уста.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кютгени беш эчки, сызгъыргъаны уа, джерни джарады.
- Ушамагъан – джукъмаз.
- Ашыкъгъан cуу, тенгизге джетмез.
- Нёгерсизни джолу узун.
- Ашхы сёз таш тешер.
- Ишни ахырын ойламай, аллын башлама.
- Гырджын – тепсини тамадасы.
- Шекер бла туз – бир болмаз, ушамагъан – юй болмаз.
- Къатын къылыкъсыз, эр тынчлыкъсыз.
- Къайгъы тюбю – тенгиз.
- Къыйынлы джети элге оноу этер.
- Аман къатын сабий табса, бий болур…
- Таукел адам тау тешер.
- Байлыкъ адамны сокъур этер.
- Джаз бир кюнню джатсанг, къыш талай кюнню абынырса.
- Тёрени джагъы джокъ.
- Эте билген, этген этеди, эте билмеген, юретген этеди!
- Къайгъыны сюйген, къайгъы табар.
- Баргъанынга кёре болур келгенинг.
- Кирсизни – саны таза, халалны – къаны таза.
- Тамбла алтындан бюгюн багъыр ашхы.
- Бюгюн дуния кибик, тамбла ахыратды.
- Ишленмеген джаш – джюгенсиз ат, ишленмеген къыз – тузсуз хант.
- Къазанчы аман болса, къазаны къайнамаз.
Профиль
|
|
|||