- Джангыз торгъай джырламаз.
- Зар адам ашынгы ашар, кесинги сатар.
- Хатерли къул болур.
- Келлик заман – къартлыкъ келтирир, кетген заман – джашлыкъ ёлтюрюр.
- Джылыгъа джылан илешир.
- Сагъыш – къартлыкъгъа сюйюмчю.
- Аурууну келиую тынч, кетиую – къыйын.
- Хар ишни да аллы къыйынды.
- Бермеген къол, алмайды.
- Эте билген, этген этеди, эте билмеген, юретген этеди!
- Тюзлюк тас болмайды.
- Айныгъанлы алты кюн, тогъайгъанлы тогъуз кюн.
- Хантына кёре тузу, юйюне кёре къызы.
- Аш берме да, къаш бер.
- Юйлю уругъа ит чабмаз.
- Окъ къызбайны джокълайды.
- Байлыкъ болгъан джерде, тынчлыкъ джокъду.
- Атлыны ашхысы, ат тизгининден билинир
- Адеб базарда сатылмаз.
- Элде адам къалмаса, ит тахтагъа минер.
- Аман адам элни бир-бирине джау этер.
- Кесинг сынамагъан затны, адамгъа буюрма.
- Ёлмесенг да, къарт дамы болмазса?
- Аллахдан тилесенг, кёб тиле.
- Билимден уллу байлыкъ джокъду.
- Тойгъа барсанг, тоюб бар, эски тонунгу къоюб бар.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхылыкъ джерде джатмайды, аманлыкъ суугъа батмайды.
- Тай асырагъан, атха минер.
- Таш ата билмеген, башына урур.
- Къонакъ аз олтурур, кёб сынар.
- Душманны тышы – акъ, ичи – къара.
- Ата Джуртча джер болмаз, туугъан элча эл болмаз.
- Билмегенинги, билгеннге сор.
- Тойчу джашха къарама, къойчу джашха къара.
- Дуния аламаты сен эсенг да, игиме деб айтма.
- Эл ауузу – элия.
- Ойнай билмеген, уруб къачар.
- Минг тенг да азды, бир джау да кёбдю.
- Тил бла келеди джыр да.
- Аджашхан тёгерек айланыр.
- Тил джюрекге джол ишлейди.
- Тынгылагъан тынгы бузар.
- Бир онгсуз адам адет чыгъарды, деб эштирик тюлсе.
- Къыз келсе, джумуш эте келеди, къатын келсе, ушакъ эте келеди.
- Тилчи тилден къаныкъмаз.
- Окъугъан озар, окъумагъан тозар.
- Къайтырыкъ эшигинги, къаты уруб чыкъма.
- Ачны эсинде – аш.
- Къатын байлыкъны сюер, эр саулукъну сюер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72