Эльбрусоид :: Форум

Къар – келтирди, суу – элтди.
Нарт сёз – тилни бети.
Чыбыкълыкъда бюгюлмеген, къазыкълыкъда бюгюлмей эди.
Игилик игилик бла сингдирилиучю затды.
Ашда – бёрю, ишде – ёлю.
Эр абынмай, эл танымаз.
Эм ашхы къайын ана мамукъ бла башынгы тешер.
Джаш болсун, къыз болсун, акъылы, саны тюз болсун.
Ачлыкъ отха секиртир.
Бир онгсуз адам адет чыгъарды, деб эштирик тюлсе.
Ётюрюкчюню шагъаты – къатында.
Ким бла джюрюсенг, аны кёзю бла кёрюнюрсе.
Таш ата билмеген, башына урур.
Тик ёргени, тик энгишгеси да болады.
Накъырда – кертини келечиси.
Ашлыкъны арба юйге келтирир, чана базаргъа элтир.
Артына баргъанны, къатына барма.
Аман адам этегингден тутса, кес да къач.
Джауумдан сора, кюн кюйдюрюр, ётюрюкден сора, айыб кюйдюрюр.
Билген билмегенни юретген адетди.
Бети бедерден, намыс сакълама.
Ач уят къоймаз.
Туз, гырджын аша, тюзлюк бла джаша.
Мен да «сен», дейме, сен да «кесим», дейсе.
Эркишиге тары кебек танг кёрюнюр.
Ана кёлю – балада, бала кёлю – талада.
Къарнынг къанлынга кийирир.
Ачыкъ джюрекге джол – ачыкъ.
Рысхы – сют юсюнде кёмюк кибикди.
Аууздан келген, къолдан келсе, ким да патчах болур эди.
Аманны тукъумуна къарама, игини тукъумун сорма.
Керек ташны ауурлугъу джокъ.
Биреуню эскиси биреуге джангы болмайды.
Аман хансны – урлугъу кёб.
Тёрдеги кюлсе, эшикдеги ышарыр.
Джангыз терек къынгыр ёсер.
Айран ичген – къутулду, джугъусун джалагъан – тутулду.
Агъач халкъгъа алтынды, иссиликге салкъынды.
Хата – гитчеден.
Аман адам элни бир-бирине джау этер.
Эли джокъну – кёлю джокъ.
Ач отунчуну ачыуу – бурнунда.
Сибиртки да сыйлы болду, кюрек да кюнлю болду.
Адебни адебсизден юрен.
Гугурук къычырмаса да, тангны атары къалмаз.
Билмейме деген – бир сёз
Джашны джигитлиги сорулур, къызны джигерлиги сорулур.
Къайгъыны сюйген, къайгъы табар.
Халкъны юйю – туугъан джери.
Мухар, кеси тойса да, кёзю тоймаз.

Логин:
Пароль:
	Запомнить меня на этом компьютере

Забыли свой пароль?
Регистрация