- Накъырданы арты керти болур.
- Артына баргъанны, къатына барма.
- Ёксюзню тилеги къабыл болур.
- Тойчу джашха къарама, къойчу джашха къара.
- Чыбыкълыкъда бюгюлмеген, къазыкълыкъда бюгюлмей эди.
- Джырына кёре эжиую.
- Къая джолда джортма, ачыкъ сёзден къоркъма.
- Азыкъ аз болса, эртде орун сал.
- Элге къуллукъ этмеген, элге ие болмаз.
- Ёксюзню къалачы уллу кёрюнюр.
- Бир абыннган – минг сюрюнюр.
- Сабийликде юретмесенг, уллу болса – тюзелмез.
- Ауурну тюбю бла, дженгилни башы бла джюрюген.
- Дууулдаса – бал чибин, къонса – къара чибин.
- Аджашхан тёгерек айланыр.
- Ким бла джюрюсенг, аны кёзю бла кёрюнюрсе.
- Кеси юйюмде мен да ханма.
- Билим насыб берир, билим джолну керир.
- Эрни эр этерик да, къара джер этерик да, тиширыуду.
- Эл ауузу – элек, анга ийнаннган – халек.
- Чомарт къонакъ юй иесин сыйлар.
- Сакъалы текени да бар, мыйыгъы киштикни да бар.
- Джеринден айырылгъан – джети джылар, джуртундан айырылгъан – ёлгюнчю джылар.
- Къызгъанчдан ычхыныр, мухардан ычхынмаз.
- Къайгъы тюбю – тенгиз.
- Бек анасы джыламаз.
- Ашлыкъ – бюртюкден, джюн – тюкден.
- Ауузу аманнга «иги», деме.
- Джукъу тёшек сайламайды.
- Чабакъгъа акъыл, табагъа тюшсе келеди.
- Уллу суу бла уллу ауруудан башынгы сакъла.
- Кийимни бичсенг, кенг бич, тар этген къыйын тюлдю.
- Эки элинги тыйсанг, джети элде махталырса.
- Джюрекге ариу – кёзге да ариу.
- Ариу сёз – джаннга азыкъ, аман сёз – башха къазыкъ.
- Тынгылагъан тынгы бузар.
- Адамны артындан къара сабан сюрме.
- Тилчи тилден къаныкъмаз.
- Минг тенг да азды, бир джау да кёбдю.
- Онгсузну – джакъла, тенгликни – сакъла.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ачны эсинде – аш.
- Къарны аманнга къазан такъдырма, къолу аманнга от джакъдырма.
- Сабий кёргенин унутмаз.
- Джарашыу сюйген – джалынчакъ.
- Ашхы атаны – джашы ашхы, ашхы ананы – къызы ашхы.
- Юреннген ауруу къалмаз.
- Таугъа чыгъаллыкъ эсенг, тюзде къалма.
- Кийимни бир кюнню аясанг, минг кюннге джарар.
- Джол бла сёзню къыйыры джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72